越北牛肉粉專門店

Open Now

Now Closed

同女朋友行完黃埔,佢聽人講越北牛肉粉D豬排撈檬好食,話好想去試,晚上6點幾去到,非常好,唔使等位,仲要有卡位坐,坐得舒服.一場來到,梗係要叫佢朋友推介既香茅豬扒撈檬啦.香茅豬扒撈檬, 自己先加上撈檬嘅汁,再將檬粉搞勻,先試檬粉,非常爽口,酸酸辣辣咁,非常開胃,再試下個豬扒,果然無令我失望,豬扒唔會乾,好有肉汁,另外香茅味也幾特出,幾好味.魚餅撈檬, 檬粉一貫爽口,但食左啖魚餅,完全唔覺自已係度食緊魚餅,無魚味,同好乾,仲好辣.個人覺得不值得試.咁辣就要即刻飲椰汁三色冰,又再次令我失望,仲要加$12,無椰香味,同底部的紅豆比軟硬身,很一般.