麻痺英

Open Now

Now Closed

朋友踩車嚟到大埔，例牌約我去食大埔的地道小店，天氣忽然間涼咗，最好就係食雞煲打邊爐啦！方便佢泊車，我哋去咗近太和的麻痺英，佢哋嘅雞煲都幾出名，堅好食，價錢又抵，一個雞煲價錢，任食2小時。店長仲會久不久唱吓歌好輕鬆。香辣海鮮鷄煲 $208/位特色雞煲，款式選擇都好多，一場嚟到我建議食麻辣，好少食海鮮雞煲，就一於今次試吓食辣啲，雞煲好快就上枱。有Gas爐細火keep住溫度，聞到香噴噴的麻辣味。雞煲裏面的海鮮份量都好多，雞件保持住肉汁，雞煲賣相討好，仲有翠綠的翠玉瓜、芫荽，鮮紅的辣椒，煮得好入味的洋蔥、蒜頭、紫洋蔥，全部加埋麻辣汁一齊，好惹味！雞件食落好嫩滑，海鮮新鮮美味，香濃肥美。我覺得中辣味道剛剛好，特別刺激，十分Juicy。火鍋配料食完雞煲，當然要打埋個邊爐一氣呵成，配料寫紙仔，選擇超級多，份量足。食肉獸最鍾意美國肥牛、午餐肉、豬潤、滑牛肉、丸丸、餃子、花枝丸 、魚皮餃。配搭麻辣汁湯底，份外提升肉的鮮味。另一款吸湯汁神器，就係牛柏葉，不能錯過。海鮮也有魷魚仔、鮮魷，豐富而且最緊要新鮮。食完肉記得食啲蔬菜，粟米不能少，萵筍、淮山、蓮藕，爽脆好味，清新又健康。小食估唔到連小食都咁高質，而且