PappaRich Malaysian Delights (Closed)

香港人通常食東南亞菜式大多都會選擇泰國菜，但我卻一直對馬來西亞菜式有一種仰慕嘅目光，特別佢嘅多元化味道相當吸引。餐廳內裝潢優雅，而且相當之有格調。菜式方面亦相對多選擇，海南雞、啦沙、海鮮樣樣都有。馬來亞串燒，分別有雞肉串以及牛肉串。作為前菜小食真係一流，肉質唔會乾身，表面亦燒得甘香，加埋佢個秘製串燒醬更加惹味。龍蝦窩麵抵讚嘅係佢個湯底非常鮮甜，而且好重龍蝦味道，加埋麵條一齊食非常回味。而龍蝦肉亦唔會過了火喉，十分彈牙。巴東牛肉配椰漿飯巴東牛肉非常軟淋且帶點甜香，連埋椰漿飯一齊食相當滿足，如果想食得豐富啲，更可以加埋花生、魚乾，令口感更有層次。龍蝦炒貴刁非常有獲氣嘅一個菜式，龍蝦份量都算好多，而且佢嘅肉質亦吸哂炒貴刁嘅味道，真係好有馬來亞嘅風味。最後當然要叫杯嘢飲啦，呢杯味道有啲似芒果沙冰，而且甜度適中，岩哂而家咁熱嘅天氣呀。