Video
Read full review
2020-05-01
1358 views
今日同班friend由元朗行山行到去深井，當中最主要嘅目的，就係去食深井燒鵝( ´▽` )ﾉ當我哋猶豫緊去陳記燒鵝好吖，定係裕記燒鵝好嘅時候，其中一個好識食嘅朋友，就話不如去另外一間試吓新口味。我心諗呢個friend肯定食過，如果唔係唔會夠膽帶我哋去食， 於是乎我哋就放膽一試。入到去完全係茶餐廳一間，不過啲老夥計都幾友善，我哋一坐低，佢哋就拎咗四碗例湯俾我哋。我就因為太熱嘅關係唔想食飯，於是乎叫咗碗燒鵝米，其他朋友呢就叫咗燒鵝飯，同埋一個食齋嘅叫咗羅漢齋炒麵。我講我嗰碗燒鵝米，真係正到爆，有炭燒味，啲皮好香脆，雖然佢揼咗落碗湯米度，但係完全冇流失佢嘅燒鵝香味，好新鮮！嗰個老夥計話啱啱新鮮出爐冇呃我！食羅漢齋嘅朋友都讚口不絕，因為份量好多好足料。羅漢齋炒麵跟杯凍飲$57，而我哋燒鵝米燒鵝飯嘅就$59(都係跟杯凍飲)！為咗碗燒鵝米，我下次一定會再行過去深井！
當我哋猶豫緊去陳記燒鵝好吖，定係裕記燒鵝好嘅時候，其中一個好識食嘅朋友，就話不如去另外一間試吓新口味。
我心諗呢個friend肯定食過，如果唔係唔會夠膽帶我哋去食， 於是乎我哋就放膽一試。
入到去完全係茶餐廳一間，不過啲老夥計都幾友善，我哋一坐低，佢哋就拎咗四碗例湯俾我哋。
我就因為太熱嘅關係唔想食飯，於是乎叫咗碗燒鵝米，其他朋友呢就叫咗燒鵝飯，同埋一個食齋嘅叫咗羅漢齋炒麵。
燒鵝米
$59
23 views
0 likes
0 comments
燒鵝米
$59
28 views
0 likes
0 comments
我講我嗰碗燒鵝米，真係正到爆，有炭燒味，啲皮好香脆，雖然佢揼咗落碗湯米度，但係完全冇流失佢嘅燒鵝香味，好新鮮！嗰個老夥計話啱啱新鮮出爐冇呃我！
食羅漢齋嘅朋友都讚口不絕，因為份量好多好足料。
羅漢齋炒麵跟杯凍飲$57，而我哋燒鵝米燒鵝飯嘅就$59(都係跟杯凍飲)！
為咗碗燒鵝米，我下次一定會再行過去深井！
Post
