Video
Read full review
2023-05-28
211 views
講到中環區嘅高質西餐，第一印象通常會唸到蘇豪區。係經過攞花街的路程中，我就留意到一間深藍色大門和金色嘅法文《La Brasserie》。翻查之下原來Brasserie係意指咖啡、啤酒與法國傳統菜嘅地方。打開餐廳嘅大門會見到華麗嘅金黃吧枱和酒窖，再深入就會到達今次晚餐嘅白色雲石餐枱。法國人飲酒係同飲水一樣。所以一坐底就會問你想飲啲咩。Red、White、Champagne都有好多選擇，店員就根據我嘅口味選擇左Champagne中嘅Charlie Orban Carte Noire，氣泡細膩又有蜂蜜嘅味道。Daily bread估唔到餐包都有3款咁多，個人最鍾意佢地嘅onion bread，充滿洋蔥嘅焦香。Seafood Platter 法國沿海地區所以海產特別豐富，依個是日海鮮拼盤包含第一層嘅時令生蠔和第二層嘅麵包蟹、龍蝦、小龍蝦、青口、海螺等等。麵包蟹和龍蝦都充滿橙紅色嘅膏，非常鮮甜。Escargots bourguignonne基本上食得法國餐我就一定會點法國田螺，田螺口感彈牙，味道充滿香草牛油和蒜香。Pate en croute 法式酥皮包裏住自家製豬肉、鴨肉和肝醬，入口即溶又有肉
法國人飲酒係同飲水一樣。所以一坐底就會問你想飲啲咩。Red、White、Champagne都有好多選擇，店員就根據我嘅口味選擇左Champagne中嘅Charlie Orban Carte Noire，氣泡細膩又有蜂蜜嘅味道。
Daily bread
估唔到餐包都有3款咁多，個人最鍾意佢地嘅onion bread，充滿洋蔥嘅焦香。
Seafood Platter
法國沿海地區所以海產特別豐富，依個是日海鮮拼盤包含第一層嘅時令生蠔和第二層嘅麵包蟹、龍蝦、小龍蝦、青口、海螺等等。麵包蟹和龍蝦都充滿橙紅色嘅膏，非常鮮甜。
Escargots bourguignonne
基本上食得法國餐我就一定會點法國田螺，田螺口感彈牙，味道充滿香草牛油和蒜香。
Pate en croute
法式酥皮包裏住自家製豬肉、鴨肉和肝醬，入口即溶又有肉香。
Onion Soup
濃郁又帶酸甜嘅onion soup配搭一個onion soup, 感覺好新穎。
Main Entree
Bouillabaisse
依款係法式海鮮濃湯，深黃色嘅湯底用左鮮蝦、青口和香煎嘅魚肉，湯底濃郁又鮮甜。
Magret de canard
採用法國國家級認證「label rogue」嘅乾式熟成和煙燻嘅鴨胸肉，香煎而成再倒入香橙汁和蜜汁，鴨胸肉肉質軟腍又帶少甜。
Sole meuniere
法國嘅多佛龍脷魚，加上煮到香焦嘅牛油汁，魚肉嫩滑又重牛油味。
Dessert
Crepes Suzette Au Gueridon
法國人對甜品同樣講究，大廚會拉出手推車即蓆烹調。大廚需要先用中火熱溶砂糖，再分別加入檸檬汁、香橙皮，最後再加入料酒。睇到火光熊熊就知道差唔多完成。Crepe鬆軟又充滿蛋香，香橙皮令到成個甜品好開胃。
平時食西餐都覺得好漫長，但係今次依個法國菜相當有驚喜，不知不覺間就已經食咗三個鐘，由氣氛、食物質素、同烹調手法都令人相當耳目一新，好值得下次再嚟。
Post
