Uma Nota

Open Now

Now Closed

首先係檸檬汁醃帶子配木薯醃紅洋蔥，個汁好有果香同清新，調味剛剛好，超級開胃。燒椰菜花配純素香草醬，椰菜花燒得唔算乾身，有煙燻香味，再加埋牛油果做嘅香滑沙律醬，唔知不覺就食哂一整盤。雞肉秋葵炸丸子配自家辣醬，雖然唔太食到秋葵味，但炸粉唔厚，再加上有啲芝士味嘅辣醬，都算係一款不錯嘅小食。甜品方面試咗三款！首先係炭燒菠蘿、椰子雪糕、杏仁椰子金寶碎配日本威士忌焦糖醬，椰子雪糕好唔錯，炭燒菠蘿幾甜，又凍又熱，味道上都幾豐富，有亞熱帶嘅感覺。金箔堅果朱古力球外型靚，食落有層脆皮，唔太甜因為用咗70%嘅黑朱古力，再配埋巴西堅果，但食到一半已經食唔落，有啲滯。最後係甜品盒子，外面似朱古力布甸包住忌廉，整個甜品都好濃郁車厘子味。