Little Fresh Cafe & Bar

Open Now

Now Closed

終於等到happy Friday，約咗朋友嚟到銅鑼灣食飯，想揀個地方可以慢慢食慢慢傾偈，網上搵咗呢間西餐Cafe去試試。餐廳位於百樂中心18樓，餐廳地方唔大，但感覺舒適。店員好熱情，向我哋推介菜式，我哋都聽咗佢嘅意見，試吓佢推介嘅青口同紙包魚。羅宋湯湯裏有啖啖蔬菜好足料，酸酸甜甜好味道。伏特加醬蕃茄青口一度味道豐富嘅前菜，好鍾意佢嘅醬汁，有酒嘅香味，又有蕃茄嘅甜酸味，非常開胃。三式雞肉串（6串）（麻辣、土匪、冬陰功）呢個雞肉串，見到個味道都知道刺激，啱晒我呢啲重口味人士。三款味道都唔錯，麻辣都真係偏辣，土匪就甜甜辣辣，冬陰功充滿泰式風味。法式紙包白酒盲曹魚紙包魚裏面有好多蔬菜，再加入香茅檸檬調味，味道清新。盲曹魚肉質鮮嫩，配上清新調味非常夾。四天風乾12小時慢煮油封鴨髀油封鴨髀賣相好靚，充滿鹹香，伴隨嘅蔬菜係燒過，有香烤嘅味道。飲品揀咗蜜桃薄荷梳打，同埋百香果薄荷梳打。因為薄荷葉嘅關係，感覺清新。