Video
Read full review
2021-06-14
166 views
再訪尖沙咀居酒屋 南瀛水產上次食完 有專人喺面前燒嘅活貝組合 念念不忘，今次心思思再回頭！餐廳裝修走日本風，每個角落都佈滿居酒屋嘅元素，燈光柔和，天花懸掛一個個燈籠。環境寬敞舒適，估唔到平日夜晚都差不多滿座，所以有興趣嘅朋友記住提早訂枱！▪️活貝盛合 $428⠀第二次嚟 都係忍唔住嗌呢款活貝組合，貪佢可以一次過食到多款生猛海鮮！熱鍋上的鮑魚都在舞動呢~牡蠣超肥美！記得上次食 爽脆軟滑兼備，超多汁！今次就稍微煮得耐左小小，不過依然充滿肉汁。蜆肉鮮甜爽彈，陣陣海水鹹味。鮑魚質地爽彈帶焦香，有咬口之餘唔會太韌。帆立貝多汁，海水味濃，但今次稍微燒得過熟，口感有少少韌。▪️深海池魚刺身 $238⠀深海池魚切得非常薄，晶瑩剔透。肉質緊實爽口，魚油甘香。沾上柚子醋，鮮味更突岀。▪️雲丹蚧肉卷 $228⠀蚧肉卷上鋪有色澤橙黃的海膽，入口鮮甜，質地creamy，毫無細妹最怕嘅腥味！蟹肉份量唔會太少，加上爽脆青瓜絲 口感豐富。▪️和牛粒炒飯 $168一上枱就聞到超濃牛香！看似平平無奇嘅炒飯充滿鑊氣同牛香，粒粒分明，乾身唔油。和牛粒大小適中，毫不乾柴。連平時唔太鍾意食炒飯嘅家姐 都食唔停！推薦▪️唐揚炸雞 $68炸雞
上次食完 有專人喺面前燒嘅活貝組合 念念不忘，今次心思思再回頭！
餐廳裝修走日本風，每個角落都佈滿居酒屋嘅元素，燈光柔和，天花懸掛一個個燈籠。環境寬敞舒適，估唔到平日夜晚都差不多滿座，所以有興趣嘅朋友記住提早訂枱！
▪️活貝盛合 $428⠀
第二次嚟 都係忍唔住嗌呢款活貝組合，貪佢可以一次過食到多款生猛海鮮！熱鍋上的鮑魚都在舞動呢~
牡蠣超肥美！記得上次食 爽脆軟滑兼備，超多汁！今次就稍微煮得耐左小小，不過依然充滿肉汁。
蜆肉鮮甜爽彈，陣陣海水鹹味。
鮑魚質地爽彈帶焦香，有咬口之餘唔會太韌。
帆立貝多汁，海水味濃，但今次稍微燒得過熟，口感有少少韌。
▪️深海池魚刺身 $238⠀
深海池魚切得非常薄，晶瑩剔透。肉質緊實爽口，魚油甘香。沾上柚子醋，鮮味更突岀。
▪️雲丹蚧肉卷 $228⠀
蚧肉卷上鋪有色澤橙黃的海膽，入口鮮甜，質地creamy，毫無細妹最怕嘅腥味！蟹肉份量唔會太少，加上爽脆青瓜絲 口感豐富。
▪️和牛粒炒飯 $168
一上枱就聞到超濃牛香！看似平平無奇嘅炒飯充滿鑊氣同牛香，粒粒分明，乾身唔油。和牛粒大小適中，毫不乾柴。連平時唔太鍾意食炒飯嘅家姐 都食唔停！推薦
▪️唐揚炸雞 $68
炸雞外皮超脆唔油膩 ，炸皮唔會太厚。唐揚炸雞新鮮炸起，一口開冒出陣陣白煙。肉汁成功被鎖住，非常嫩滑多汁，仲有啲肥膏位。美中不足係調味偏淡，只可以沾上炸雞底嘅沙律醬。
▪️野菜天婦羅 $98
天婦羅炸皮薄脆，入口唔會太油膩。南瓜軟綿，菇爽口，茄子唔會燒到好乾。
▪️蕃茄沙律 $78⠀
沙律菜新鮮爽脆，蕃茄微甜 爽口多汁，毫無家姐最怕嘅酸味。配上酸酸甜甜嘅醋，作為前菜相當開胃~
整體而言，每道菜式質素都唔錯，二訪本身最期待活貝盛合，但竟然和牛粒炒飯更有驚喜 ！一分錢一分貨，偶爾黎獎勵下自己都唔錯！
Post
