北斗

Open Now

Now Closed

係附近返工咁耐，一直無為意到有一間咁高質嘅omakase。分「北」同「斗」兩種套餐，前者有先付/前菜/串揚/食事甜品，後者會多左刺身同燒物，當然要個最豐富嘅餐。一路食，廚師都會一路介紹菜式同食材。食材都好優質好新鮮，好多都係由店主親自去日本挑選同運送返黎。特別喜歡以下幾款：💫白蝦刺身配上馬份海膽白蝦幾乎入口即溶，好清甜，同上面濃郁嘅馬糞海膽形成強烈對比💫鯛魚白子第一次食，口感有少少似生蠔嘅爽滑。配上柚子汁，幾fresh💫慕蓉大蜆湯 湯好清甜，蜆肉非常肥美大隻💫火炙黑鯥魚黑鯥魚本身油脂都豐富，火炙後油香更加吸引，配埋日本生蒜，真係好好味💫吞拿魚蛇腹 炙燒過後，完全迫出油香，廚師建議一啖放哂入口，口腔充滿油脂香，一流💫京都特產千両茄子 茄子蘸滿薄薄麵包糠再炸，好酥脆，一咬落去仲會爆汁。茄子皮上嘅細紋亦盡顯刀工💫沙錐魚沙錐外層炸得酥脆，裡面有紫蘇葉嘅香味同濃郁嘅加拿大海膽，層次豐富💫日本魷魚配松葉蟹蟹肉蟹膏 魷魚肉質非常爽脆彈牙，中間包住鮮香味十足嘅蟹膏蟹肉，整體外爽內軟💫北海道活帆立貝 - 帆立貝非常鮮甜厚身，咬落仲係見到一絲絲嘅帆立貝絲💫近江和牛 油脂豐富，幾乎入口即溶，外層有淡淡焦香