彤福軒

Open Now

Now Closed

呢間酒店入面嘅中菜館啲點心真係精心炮製，揀咗佢哋tasting menu，咁就唔使煩要揀啲乜嘢食啦。松茸遼參燒賣做得精緻，而且味道都唔錯。富貴瀨尿蝦餃大大隻瀨尿蝦，口感非常好。油雞樅菌上素餃係三款點心之中最出色，小小辣帶出非常新鮮清爽嘅味道，唯一美中不足係食唔出油雞樅菌嘅味道。彤福生拆鮮魚羹真係做得唔錯，有魚嘅鮮味但係就冇泥味，而且又唔醒，非常難得。陳皮芋蓉香鴨酥亦做得精彩，加入陳皮之後除咗佢獨特嘅香味之外，另外食落去嘅時候亦令到個香鴨酥唔會咁油膩。瑤柱蝦乾煮茭白鮮味得黎又帶住一股清新嘅香味，可能係啲蔥、芽菜等嘅配料發揮佢哋嘅作用，個湯都熬得好精彩，完全冇味精，食落口就有一種好天然嘅感覺。五彩炒魚麵看似普通，但係又係一道色香味俱全嘅菜式，魚麵嘅質地好好，咬落去就會覺得魚肉同埋麵粉嘅比例做得唔錯。甜品係香芋凍布甸，個芋頭應該都幾靚，因為芋頭味好香，同個布甸質感配合得好好。