文記粉麵茶餐廳

Open Now

Now Closed

由於住港島區的關係，很少機會可以去到慈雲山，加上此店的位置並非港鐵可以直達，所以幫襯的機會更加寥寥無幾。不過，每年入冬定必想起佢嘅鎮店之寶……煲仔飯！無錯係佢吸引我上山下海，千里迢迢地去食煲仔飯。講到至愛當然係啫啫田雞飯，本身我係田雞愛好者，貪其肉質嫩滑又唔肥膩，加上用煲仔形式上菜，一來令田雞肉熟透，食用比較安全衞生。二來煲内的醬汁使田雞肉較易入味。此店的田雞煲仔飯特别之處係將D餸加入洋葱、青椒炒香先放入煲，所以底下嘅飯吸收唔少醬汁，非常美味。食用時，不需要再加入豉油已經非常夠味。田雞真係啖啖肉，好足料窩蛋滑牛飯也做得十分出色，牛肉新鲜嫩滑，份量十足，將隻蛋撈匀加入飯底，非常夾配。撈匀豉油同蛋後，窩蛋滑牛飯同樣色、香、味俱全唔好以為咁大陣仗會收得好貴，其實價錢好大眾化，物超所值。