文記粉麵茶餐廳

Open Now

Now Closed

細個住屋邨，附近比較地踎的粉麵店，還記得牛腩煮得徹底到，比湯渣還堅硬的口感，牛腩的纖維一條條，十分分明。三十年過去，昨晚終於在明記，吃回細個的這種味道，十分感動。我見都有街坊幫襯，49蚊，包野飲。

住係慈雲山二十年，一早已經認識同幫襯過文記。不過計下都有五六年冇幫襯，今日經開毓華里，又想食下午茶，就行左入來文記。下午三點半，兩大一細一行三人，入鋪坐低到揀野食都正常，到嗰個阿姐過來落單……嘩………嗰啲態度真係差到一個點，仲衰過黑社會，到野食來嗰時就另一個年紀大啲既阿姐過來送餐，可能係事頭婆啦，所以態度都一樣地差，大大聲咁我隔離嗌“睇住”。整間鋪頭就得我地一張枱有客，攪到我以為間鋪好迫要我企起身讓佢先擺到啲野食落枱。文記喺慈雲山幾十年，食物質素就冇乜點變，唔係特別好亦唔係差，不過佢啲服務態度就真係越嚟越差，入去幫襯佢好似爭佢錢咁。對比對面馬路榮記或者街尾天馬茶餐廳嘅服務態度真係相差十萬倍。可能佢喺慈雲山幾十年，完全唔擔心冇客，可以將客人當仇人看待。只可以講呢一世都唔會再幫襯佢。

深宵煲仔飯，老闆12點前都會煲☺️，即煲熱辣辣，絕對加分！🤩梅菜肉餅煲仔飯+臘腸，煲仔飯最緊要加豉油，再焗5分鐘，打開🤩。煲仔飯飯焦好香，梅菜肉餅用半肥瘦🐷肉打成，小編最鍾意整整碎撈飯！臘腸會切片，啲未入晒豬肉同返到！加分！！！凍奶茶走甜多奶，深夜茶底仍然香濃🥰。餐廳開到12:30，老闆鐘意同食客吹水，可以要求煲仔飯既飯硬啲/軟啲，餐廳環境偏舊，屬老式茶餐廳，如果對環境好有要求既朋友，可能會感到有啲失望。

晚餐時間到😋呢兩日天氣較涼，最適宜食煲仔飯，食完暖笠笠。與好友就去慈雲山品嚐煲仔飯😋原本諗住去榮記，再品嚐金蠔蝦干煲仔飯，可惜是日休息😥只好在附近另尋食店❗在對面街有間豎起有煲仔飯嘅牌，咁就過去試試，今次我們點了3個煲仔飯，分別系啫啫雞豬潤煲仔飯、窩蛋牛及爉味煲仔飯，食過後，大家都一致認為啫雞豬潤煲仔飯，雞及豬潤都調味夠👍👍窩蛋牛及爉味煲仔飯，就仍有改善空間😅我們開煲蓋後，發現飯未乾透，嘗試用煲蓋再焗一焗，好少少😥因此飯焦就無咁多！豉油味較淡，焗完開蓋都無豉油味！

因為有啲事難得嚟到慈雲山，因為對面好出名嘅慈雲山名店排曬長龍，咁因為要食個快飯，唯有去對面嗰間啦。未行到埋去已經聞到好香嘅煲仔飯味，果日天氣涼涼哋，望住一煲煲熱辣辣嘅煲仔飯拎出嚟，所以我就二話不說咁入咗去鋪頭lu。叫咗個北菇滑雞飯，仲加咗臘鴨。 等咗大概十幾二十分鐘個熱辣辣嘅煲仔飯就拎到過嚟，店舖個阿姐仲好好咁提醒我哋要焗下先，唔好咁快打開蓋。個飯份量十足，加埋豉油非常香口，重點當然係有飯焦，非常滿足秋風起果然要食煲仔飯！

牛腸唔新鮮，苦架，真係苦到食兩舊都已經冇再食金錢牛肚煮得仲腍過啲草肚，唔知係過左火定浸過夜，除咗依兩個解釋我都諗唔到其他，入口啲口感真係好差，有冇味個湯正常潮州粉麵檔嘅湯味個河粉幾好食，有米香又厚身又夠滑反而見到隔離枱叫咗個楊州炒飯炒得幾靚幾均勻，坐喺隔離枱都聞到啲香味個辣椒油都好一般，唔香又唔辣杯凍檸茶都冇乜特別，反而杯咖啡沖得幾香幾濃叫做間野都乾乾淨淨企企理理咁 個姐姐都服務幾好好有禮貌，唔該前唔該後多謝完又再多謝係勝在價錢平，40幾蚊有雙拼粉面又有凍飲

今日過開呢頭交收貨，於是係附近搵野食，行左一陣，見到呢間文記牛腩，有2個鋪位，都幾多人食，咁就食下啦，鋪頭唔大，但有個廚位炒野食😂😂但呢間話係牛腩專家，咁緊係唔食炒野，食牛腩米粉試一試佢啦。。好快就整好，個賣相講真真係好一般，d牛腩好似呢度執d果度執d咁放落個碗度🤔🤔但值得讚既就係碗米粉有幾條菜，宜家好多鋪頭都無菜，得幾粒蔥粒。。。食落d 牛腩味道都唔錯，幾林，份量都算足夠，再飲杯凍檸水。。。埋單盛惠42蚊☺️

好耐之前聽聞話呢間文記牛腩十分出色，而且lunch time的套餐都十分優惠。於是放lunch的時候決定去試一試。服務態度不算十分親切，有一位樓面阿姐都幾惡，坐底無耐已經狂問食乜食乜，然後當你選擇的時候，用不有善的眼光望住你，好有壓迫感。講慢少少都唔耐煩。味道方面牛腩又未算去到如何驚豔的程度。就係普普通通嘅一舊牛腩，唔算特別炆，特別入味。湯底則用上清湯。叫麵包凍豆漿，如果叫熱豆漿需要另加$2。（初時理解錯左包豆漿的意思，產生少少誤會）環境方面畢竟麵係小店，需要與人共坐，如果想講求私癮，或者想一個人慢慢食，睇下手機，呢度未必係心水地方。因為阿姐會一直響隔離監視你食完未。總結充滿壓迫感嘅lunch

由於住港島區的關係，很少機會可以去到慈雲山，加上此店的位置並非港鐵可以直達，所以幫襯的機會更加寥寥無幾。不過，每年入冬定必想起佢嘅鎮店之寶……煲仔飯！無錯係佢吸引我上山下海，千里迢迢地去食煲仔飯。講到至愛當然係啫啫田雞飯，本身我係田雞愛好者，貪其肉質嫩滑又唔肥膩，加上用煲仔形式上菜，一來令田雞肉熟透，食用比較安全衞生。二來煲内的醬汁使田雞肉較易入味。此店的田雞煲仔飯特别之處係將D餸加入洋葱、青椒炒香先放入煲，所以底下嘅飯吸收唔少醬汁，非常美味。食用時，不需要再加入豉油已經非常夠味。田雞真係啖啖肉，好足料窩蛋滑牛飯也做得十分出色，牛肉新鲜嫩滑，份量十足，將隻蛋撈匀加入飯底，非常夾配。撈匀豉油同蛋後，窩蛋滑牛飯同樣色、香、味俱全唔好以為咁大陣仗會收得好貴，其實價錢好大眾化，物超所值。

快餐咖哩班腩飯：炸班腩一大陣油益味！白飯又硬，一舊舊咁！亦眼見廚房將預先整好既快餐干炒肉片河/星州炒米放入微波爐叮熱就上菜俾食客，完全唔係即炒！本人住係慈雲山超過廿年，望住哩間文記越泥越差！Open Rice需要200字所可評分，咁唯有繼續講唔係重點既野。以前未裝修前味道都仲算可以，之後食過幾次，每次食飯餐，d飯都好硬，硬到直頭一舊舊，好似隔左好多夜咁。最大問題係俾我見到佢叮熱預先做好既食物，果下令我忍唔住係哩個平台發言。

男朋友友食過煲仔飯覺得好食，我地去左兩次。位置喺慈雲山，唔近地鐵站，可以喺黄大仙轉小巴，或者喺旺角搭紅van去。茶餐廳有室外位，睇到個廚整煲仔飯。男友至愛食啫啫骨豬潤煲仔飯加臘腸。睇見個廚炒起個啫啫骨再放上煲仔飯，好有鑊氣。排骨惹味，足料。我第一次去食，叫左肉餅窩蛋飯，個肉餅夠厚夠肉汁，加隻蛋食好好味！飯焦都好香脆。第二次食臘腸滑雞飯，雞肉好滑，臘腸半肥瘦，好香口。另外叫左碟海蜇粉蹄都好食。煲仔飯好足料，雖然位置唔就腳，但為左食好味煲仔飯，無所謂啦！好食過油麻地嘅煲仔飯。

又到食午飯的時間，慈雲山大多是茶餐廳及車仔麵為主，選擇不是太多元化，加上往往天氣不太好的時候，就會叫外賣較為方便啦！今次就試一試「文記」這間茶餐廳啦！😆😆芙蓉煎蛋飯～份量十分多，但有點煎得太過火，有小小濃左同雞蛋較老，意外的是沒有淋上精華所在的豉油汁，感到十分失望！叉燒炒蛋飯～這次的雞蛋比較滑，沒有過火，但叉燒的份量不太多，約有3-4嚿！同樣沒有淋上豉油汁，整個飯比較乾身！茶記熱奶茶～有小許苦澀味，茶香普通。慈雲山地區應該會有更好的選擇！！！

文記最近開多左間新舖係正舊舖隔離。執過之後 俾起以前光猛左好多。開左咁耐，都未食過，所以打算試一試。大家一齊叫total:6 個外賣。不過自己晏左叫（11：45），又撞正人地午市旺時間，所以最後12：50先送到來。其實叫外賣時，阿姐都提左會盡快但多單。建議真係要早點叫。我估佢地都唔多人幫手送外賣的。佢有4款是日午餐，再加4款常設午餐。其中一款：干炒肉片河+熱飲 +外賣盒 $41佢其實炒得幾好，夠鑊氣又唔太油膩。正常份量。呢款就係餐單午餐 廈門炒米 +熱檸蜜+外賣盒 $47女同事覺得味道 okay 但佢覺得太大盒，食唔哂，淨返一半。😑其實味道 okay 但$47 價錢稍貴。特別係區內咁多茶記，大概 $30-40。而味道亦唔見得比其他特別好。所以，都係同事表示 有機會先再會嗌。

快餐 $38 連嘢飲都幾多嘢揀有 1 - 10 成十個選擇咁多！【叉燒炒旦飯】$38影相角度問題，其實都多蛋㗎 😂味道正正常常～ 都幾大碟吓【牛什麵】$34（一樣有跟餐飲品）牛肚、牛肺、牛腸乜牛都有 😂好滿足係個大腸就肥咗啲囉 😅牛肚最好食，仲有好多嚿𠻹【原汁牛雜飯】$38勁大碟飯 🍚 呢個餐多碗湯牛雜份量都多，啲汁撈飯都好正跟餐飲凍豆漿唔駛加錢～ 都幾抵朋友飲凍檸茶就加 $2豆漿係獨立包裝 pack 好哂味道有啲淡，不過不失咁啦

經過找地方食早餐，睇Openrice多人讚就試下，叫完野，越來越大煙味，同收銀講，佢沒有埋會，原來水吧勁煲，未停過，成間鋪陪佢食二手煙！唔係叫左野…好想走，早餐到，難食！通粉淋到… ！只係得杯奶茶叫ok! 通粉只能食少少，粉麵店諗住叫油菜唔死得人， 點知蠔油帶酸！快食快閃，小朋友煙到唔想食…行過少少再買麵飽食！ 搞差錯，點解咁多讚！還是呢一區真的無野好食？！