C2 Lab

Open Now

Now Closed

朋友仔最近話深水埗開左間西餐廳，於是我哋今晚放工去食下新野。門口就見到個超人，好易搵。睇睇有咩食先。今晚唔算太肚餓，所以我哋兩人share一份前菜，湯，主菜同埋甜品。意式薄切油甘魚配橘子甜醋 $88柚子黑醋配橘子，兩種酸甜果味滲透油甘魚刺身，魚肉保留原有鮮味，同時又多左夏日清新口感。黑松露忌廉湯 $42甜包配牛油，正常口感。黑松露忌廉湯都有啖啖蘑菇同松露味，濃郁好飲。主菜我哋就叫左澳洲M7和牛 $298澳洲M7和牛 肉質肥美鮮嫩，配菜有秋葵、紅蘿蔔、薯蓉，同埋粟米。醬汁係黑松露。檸檬雪葩 $58我鍾意呢個雪葩，一口一口檸檬味唔酸亦唔太甜，質感好滑。外面賣相係個檸檬。