金啫の鍋 (Closed)

如果鍾意食雞煲嘅朋友，今次就一定要嚟呢一間金啫試下。見到而家試食價最平188蚊起，如果七點後入座，218蚊人頭加一。雖然出面好多都係做緊呢個價錢或者平過佢。 但以一間任食雞煲來說，金啫有特色，有味道，有服務（ 這裏的店員會為你烹調食材）。在這裏食雞煲是有次序的，首先你選擇所食的雞煲辣度。 雞煲你到的時候會店員會安排加熱十分鐘， 汁會越來越濃香氣撲鼻。 過咗十分鐘後真是忍不住口水了！食到咁上下會安排你去摸蜆，攞到幾多食幾多！ 可惜我手細拎得唔多。之後店員會加入黃酒，海鮮醬等配料即場炒蜆及海鮮。雖然炒出嚟嘅蜆已經縮到好細， 但係真係夠鮮味。 再嚟之後就是牛肉炒烏冬，烏冬煙韌又唔會散。 又係必食之選，佢哋已經會default咗煮。最後我哋揀咗蕃茄濃湯作為我哋火鍋湯底， 湯底夠味，再加埋之前雞煲蜆肉同炒牛肉嘅精華！正。至於火鍋食材係自己任拎！牛肉嘅質素類似牛一嘅基本option。唔會太肥又唔會太瘦！比較特別啲嘅係呢度竟然有冰菜 同埋牛黃喉，仲有任食黑栢葉， 以任食雞煲火鍋來說，食物質素比出面平均值為高。