Video
Read full review
2024-08-28
2521 views
高質抵食鐵板燒 割烹鐵板燒 （480@）近排工作好忙，同同事放lunch好想chill下，最好搵間環境坐得舒服，裝修有格調，又可以傾吓偈嘅餐廳嘆下。位於銅鑼灣開平道的鐵板燒，由前日本駐美領事館大廚三原光史先生主理，保留返日本嘅味道，唔單止咁食材由日本直送，就好似飛咗去日本食一餐咁！❤︎前菜蔬菜沙律，有蕃茄仔同粟米，加啲生菜，加特調芒果醬汁，好開胃。❤︎蟹籽蟹肉茶碗蒸茶碗蒸喺鐵板上面蒸煮，望住師傅整嘅，淋上枱之前加蟹籽及蟹肉，咩都好鮮甜，蒸蛋非常嫩滑。❤︎北海道帶子最好味嘅一道菜！帶子來自北海道，好大粒好厚肉，師傅仲用白栗米鬚包住，非常酥脆，煎香咗之後放上了三文魚籽及自家製他他醬。另外仲日本節瓜做底，平衡返個味道。❤︎香煎銀雪魚特別將魚皮分開煎，魚皮煎到超香脆，魚油味好足。魚肉嫩滑，加上紫菜做嘅調味，簡簡單單，都好吸引。❤︎A4宮崎牛薄燒今日用上A4宮崎和牛，牛肉味好香濃，好重油花，一放入口即溶。以壽喜燒汁作為調味，加入日本蛋，完美滿足！❤︎和牛炒飯嚟到呢個位，其實已經好飽，但係聞到好香炒飯味道👅！炒飯好分明，炒得夠乾身，加入左和牛粒與蒜蓉，好想再食多碗㖭啊❤︎赤麵豉湯用咗赤味噌去煮，比平常飲到嘅味道
割烹鐵板燒 （480@）
近排工作好忙，同同事放lunch好想chill下，最好搵間環境坐得舒服，裝修有格調，又可以傾吓偈嘅餐廳嘆下。
位於銅鑼灣開平道的鐵板燒，由前日本駐美領事館大廚三原光史先生主理，保留返日本嘅味道，唔單止咁食材由日本直送，就好似飛咗去日本食一餐咁！
❤︎前菜
蔬菜沙律，有蕃茄仔同粟米，加啲生菜，加特調芒果醬汁，好開胃。
❤︎蟹籽蟹肉茶碗蒸
茶碗蒸喺鐵板上面蒸煮，望住師傅整嘅，淋上枱之前加蟹籽及蟹肉，咩都好鮮甜，蒸蛋非常嫩滑。
❤︎北海道帶子
最好味嘅一道菜！帶子來自北海道，好大粒好厚肉，師傅仲用白栗米鬚包住，非常酥脆，煎香咗之後放上了三文魚籽及自家製他他醬。另外仲日本節瓜做底，平衡返個味道。
❤︎香煎銀雪魚
特別將魚皮分開煎，魚皮煎到超香脆，魚油味好足。魚肉嫩滑，加上紫菜做嘅調味，簡簡單單，都好吸引。
❤︎A4宮崎牛薄燒
今日用上A4宮崎和牛，牛肉味好香濃，好重油花，一放入口即溶。以壽喜燒汁作為調味，加入日本蛋，完美滿足！
❤︎和牛炒飯
嚟到呢個位，其實已經好飽，但係聞到好香炒飯味道👅！炒飯好分明，炒得夠乾身，加入左和牛粒與蒜蓉，好想再食多碗㖭啊
❤︎赤麵豉湯
用咗赤味噌去煮，比平常飲到嘅味道更加濃，不過亦唔會死咸！
❤︎焦糖雪糕
最尾食一個自家製雪糕，焦糖味好突出，份量好好！岩岩好。
Post
