鱻88日本料理 (Closed)

個人覺得出色嘅日本料理，除咗要食物美味，擺盤精緻外，環境同服務都好重要，最近喺佐敦食過一間餐廳，以上幾點都有唔錯嘅水準。我地食咗一個活海鰻套會席，連沙律同甜品共有7道，都好夠喉。前菜沙律後，先上刺身盛盒，有甜蝦、深海池魚同埋帆立貝，池魚魚油味香、肉鮮濃，甜蝦同帆立貝新鮮味甜活海鰻蒸年糕外層用糯米粉做成，口感煙un似糍巴，裡面包住活海鰻，感覺又有啲似左水角，幾特別。池魚刺身原條活魚魚造成刺身有他他同埋赤身嘅食法，他他加咗醬汁同埋芝麻，酸酸地，幾開胃，刺身魚味較濃，口感豐富。活鰻天婦羅一客兩件，薄薄嘅炸粉，包住厚厚嘅活海鰻，鰻魚味甘香，炸得乾身，唔會油膩。活鰻籠仔蒸飯做法糅合咗中式做法，喺日式料理嚟講比較特別，籠仔盛載住香米，蒸熟後再舖上蛋絲同主角，大大片又厚身嘅燒海鰻，口感豐滿，飯香帶黏性，加上海鰻嘅燒汁，惹味又飽肚，非常滿足。個人提議，如果用上荷葉加上更多嘅燒汁，應該會更香更開胃最後一客鰻魚蛋糕，完滿結尾。