貊炙

Open Now

Now Closed

提前慶祝聖誕大餐，帶咗朋友嚟食一間高級熟成燒肉嘅貊炙。每位$820嘅Deluxe Dry-Aged Selection套餐，主角當然就係熟成美國肉眼，二人份量達680g。肉眼超厚切，全程由職員代燒，服務超好，燒到五成熟。熟成肉眼食落味道更濃郁，更有風味。成個set仲有3款前菜：季節沙律、醬油盛合同生牛肉他他。生牛肉他他新鮮帶甜味。醬油盛合有大大隻醬油蝦同大粒帶子，啖啖肉好滿足。仲有幾款韓式美食，韓式海鮮煎蔥餅外脆內軟，仲有大醬湯同水冷麵，連韓式前菜全部都可以任添。成餐食得超級飽，連成塊肉眼都食唔晒。