Video
Read full review
2025-01-31
192 views
通常喺魚一都係食午餐 午市定食抵食 今次同朋友食晚飯 原來晚餐都有好抵食豐富嘅二人餐每人$300幾睇落唔平 但魚一呢個餐好似omakase咁有15道菜之餘 食材質素都拍得omakase咁新鮮 所以比起晚市omakase成千蚊起跳就顯得非常抵食 一定要去再encore🤭🤭🔆二人餐($638)1️⃣刺身三點盛大拖羅、金目鲷、生蠔各兩片2️⃣壽司8件魚一焦糖鵝肝壽司、赤海蝦、北海道生帶子、蔥拖羅蓉軍艦各兩件3️⃣蟹籽沙律4️⃣明太子玉子燒5️⃣土佐豆腐2件6️⃣牛舌串、免治雞串、青椒仔串7️⃣三文魚麵豉湯8️⃣開心果雪糕 抹茶雪糕咁多道菜都係水準之上 最震撼當然係呢個價可以食到大大隻生蠔 大拖同埋巨鵝肝啦😝😝值得一讚係唔會有啲壽司充撐場面 全部都係矜貴食材 帶子海蝦鵝肝拖羅蓉壽司全部都一級棒 最棒當然係巨鵝肝 睇相都睇到厚度 厚過壽司郎個個幾倍嫁🤓🤓明太子玉子燒亦都令人印象深刻 本身諗住係玉子燒上面有啲明太子醬 點知係有真材實料明太子喺玉子燒入面 真係贏99.9%明太子玉子燒🤤雪糕有開心果味加爆分 雖然睇顏色好似唔太濃 但食落係有開心果味的 抹茶味亦唔係人造味 甜品都合格😬🍙日式釜飯(鵝肝) ($128)呢排凍就期間限定有
🔆二人餐($638)
1️⃣刺身三點盛
大拖羅、金目鲷、生蠔各兩片
2️⃣壽司8件
魚一焦糖鵝肝壽司、赤海蝦、北海道生帶子、蔥拖羅蓉軍艦各兩件
3️⃣蟹籽沙律
4️⃣明太子玉子燒
5️⃣土佐豆腐2件
6️⃣牛舌串、免治雞串、青椒仔串
7️⃣三文魚麵豉湯
8️⃣開心果雪糕 抹茶雪糕
咁多道菜都係水準之上 最震撼當然係呢個價可以食到大大隻生蠔 大拖同埋巨鵝肝啦😝😝
值得一讚係唔會有啲壽司充撐場面 全部都係矜貴食材 帶子海蝦鵝肝拖羅蓉壽司全部都一級棒 最棒當然係巨鵝肝 睇相都睇到厚度 厚過壽司郎個個幾倍嫁🤓🤓
明太子玉子燒亦都令人印象深刻 本身諗住係玉子燒上面有啲明太子醬 點知係有真材實料明太子喺玉子燒入面 真係贏99.9%明太子玉子燒🤤
雪糕有開心果味加爆分 雖然睇顏色好似唔太濃 但食落係有開心果味的 抹茶味亦唔係人造味 甜品都合格😬
🍙日式釜飯(鵝肝) ($128)
呢排凍就期間限定有釜飯 我地就揀左鵝肝 釜飯類似係日式煲仔飯 所以上菜都連埋個火一齊上 要煲到出煙再食 鍾意焦香味同飯焦嘅朋友可以試下 $128食到咁多鵝肝都好抵 推介！🤤
🍣三色刺身丼($98)
加配麵豉湯及茶碗蒸(+$28)
如果想食番普通晚市定食 丼飯加$28就可以變做餐 加埋都係$120左右 晚市定食黎講絕對合理 而魚一嘅刺身真係好新鮮 朋友都大讚😆
🥗牛油果大蝦蟹肉沙律 柚子汁($78)
潮流興健康 同朋友食飯都會想叫碟沙律share 喺日本菜食沙律係抵過西餐好多 平時食大蝦沙律都要過百 但呢度有埋蟹肉同牛油果都只係$78 勁抵食 唔細份嫁 4個人share都夠食🤣🤣
兩個人食想豐富啲 就大大推介二人餐 超多高級食材 如果想再平民啲就丼飯加套餐 百幾蚊成交一樣得😆😆
Post
