巴剎雞飯 (Closed)

巴剎雞半隻：招牌巴剎雞，雞肉新鮮嫩滑，而且已經去左骨，方便進食；雞皮既膠原蛋白肥厚、帶啫喱膏，加埋餐廳自家製薑蓉醬汁，酸酸辣辣，特別開胃。炭燒沙嗲豬串燒：成個小火爐上枱，串燒豬肉帶焦香，肉汁飽滿，配上沙嗲醬汁，份外惹味。巴剎炸肉撈麵：炸肉外脆內嫩，醃製過後再炸至金黃酥脆，腴而不膩；撈麵爽口彈牙。菜脯蛋炒蘿蔔糕：甜菜脯炒得好香，滑蛋煎至微黃色，包住粒狀既蘿蔔糕，一啖一口，好滋味。咖央椰絲手抓餅：咖央醬濃香幼滑，加左椰絲，味道更加豐富立體；手抓餅烘到恰到好處，熱辣辣，必點甜品。丹南咖啡：沙巴名物，咖啡香味獨特濃郁。羅漢果龍眼冬瓜茶：清涼潤肺，好好飲。總結，全部食物即叫即煮，充滿星馬風味，店員服務窩心，我哋食得開心又滿足。