C2 Lab

Open Now

Now Closed

Item: C2 Lab
Rating: 5
Author: 豬星人

4.5

94 Reviews

Taste

Decor

Service

Hygiene

Value

8730

Sham Shui Po

$101-200

Western

豬星人

Level2

平時lunch成日黎食，已經覺得好好食，差唔多變咗公司同事嘅飯堂，今日決定黎試下佢地個tea, 原來佢哋係4:30會落場，5:30先再營業。我地叫左佢地既下午茶set:松露薯條（4.0/5.0）- 同市面上嘅松露有啲唔同，佢唔係有pat 白色松露沙律醬比你點，佢係有一堆堆黑色嘅松露醬喺上邊！都幾重黑松露味架！不過如果更加多松露醬會更好😂左邊：墨西哥芝士餡餅（3.5/5.0）- 個皮煎到好香脆，入邊有啲菜同肉碎，有啲似中式嘅蔥油餅。右邊：芝士焗墨西哥脆片（4.5/5.0）- 個脆片好薄又好脆，上面嘅茄蓉好好食，增加個脆片嘅濕潤，同時佢有兩個醬，個人覺得白色個醬好食d~卡邦尼意粉（4.5/5.0）- 煙肉超香，cream好濃好滑，人多share食唔會好油膩～另外，跟set加左$40試酒精含量5%的北海道手工啤酒，如果散叫就$68樽：蜜瓜 - 超級推薦！好好味，唔會太甜膩但又有少少酒味，果味濃郁！桃 - 聽老板講都係熱門味道，桃味清香，酒味唔太濃，偏淡口蘋果蜜糖 - 聞落好香蘋果味，但飲落就苦d, 酒味出d, 朋友們覺得麻麻，但中意飲清酒既我會覺得幾好😉柚子 - 好似柚子蜜既味咁，冇

Read full review

平時lunch成日黎食，已經覺得好好食，差唔多變咗公司同事嘅飯堂，今日決定黎試下佢地個tea, 原來佢哋係4:30會落場，5:30先再營業。

我地叫左佢地既下午茶set:

194 views

1 likes

0 comments

松露薯條（4.0/5.0）- 同市面上嘅松露有啲唔同，佢唔係有pat 白色松露沙律醬比你點，佢係有一堆堆黑色嘅松露醬喺上邊！都幾重黑松露味架！不過如果更加多松露醬會更好😂

左邊：墨西哥芝士餡餅（3.5/5.0）- 個皮煎到好香脆，入邊有啲菜同肉碎，有啲似中式嘅蔥油餅。

右邊：芝士焗墨西哥脆片（4.5/5.0）- 個脆片好薄又好脆，上面嘅茄蓉好好食，增加個脆片嘅濕潤，同時佢有兩個醬，個人覺得白色個醬好食d~

卡邦尼意粉（4.5/5.0）- 煙肉超香，cream好濃好滑，人多share食唔會好油膩～

另外，跟set加左$40試酒精含量5%的北海道手工啤酒，如果散叫就$68樽：
蜜瓜 - 超級推薦！好好味，唔會太甜膩但又有少少酒味，果味濃郁！
桃 - 聽老板講都係熱門味道，桃味清香，酒味唔太濃，偏淡口
蘋果蜜糖 - 聞落好香蘋果味，但飲落就苦d, 酒味出d, 朋友們覺得麻麻，但中意飲清酒既我會覺得幾好😉
柚子 - 好似柚子蜜既味咁，冇乜酒味，又有d 似柚子soda
香印提子 - 酒味偏淡，所以提子個香甜味出d 重d, 岩晒唔係好飲得苦既人

跟住叫左主菜menu 既：
蝦+蟹肉牛油果凍批（5.0/5.0）- 有三隻蝦係面，好薄身既羅白夾住啖啖蟹肉配牛油果，旁面仲有獨特醬汁（有芥末）配柚子火箭菜沙律，好好食，連唔食開牛油果嘅朋友都食唔停口😍

四式芝士薯仔丸子（3.0/5.0）- 口感姨姨韌韌幾特別，不過唔知係咪落咗藍芝士，所以大家唔係好食得慣

雙蝦微辣茄蓉意粉（5.0/5.0）- 超級推薦！老板話呢個係得獎意粉，一擺上枱已經勁香，落左蝦乾配豆版醬黎炒好惹味，除左大果兩隻蝦，入面仲有小蝦仁，個個都食到讚不絕口，如果lunch set 都有呢個意粉叫就好啦🤣🤣

燒美國熟成豬鞍配燒烤汁（4.5/5.0）- 豬鞍好腍，肥瘦適中，個薯蓉超香又夠味，旁邊配菜既秋葵甘筍蓮藕都正！

最後叫埋甜品：
心太軟配雪糕（4.5/5.0）- 一切開好流心呀d 朱古力醬，又唔會太甜，好味！

意式草莓開心果Raspberry煙燻杯（3.0/5.0）- 原本以為開心果係主角，但其實冇乜開心果味（得面頭d 開心果碎），下面果層有紅莓醬，所以偏酸

檸檬雪芭（5.0/5.0）- 食到飽飽哋，呢個成個檸檬入面都係雪芭，微酸嘅檸檬味好消滯，推介！