虎鐵鐵板燒

Open Now

Now Closed

上網見到餐廳有特價套餐，所以今日嚟試一試，優惠餐係$799嘅價錢，不過記住呢個係未俾服務費，所以再加多$80。前菜野菜沙律，材料豐富好爽脆，幾開胃。茶壺蒸用上一個蛋形玻璃嘅器皿，好可愛，好吸引，味道又香又滑。鐵板燒大虎蝦銀鱈魚，加上蝦頭蝦膏做嘅醬汁，蝦肉彈牙外皮香脆，蝦膏醬汁香濃惹味銀鱈魚油份豐富，充滿油脂感。鵝肝配多士黑醋汁，入口即化又香濃，黑醋汁濃郁。鮑魚配海苔蟹肉醬汁，鮑魚好彈牙又爽脆。A5和牛薄燒. 中間充滿炸蒜及蔥花，非常惹味，油香四溢，配竹炭鹽，肉味道更突出，或者配蒜片更香脆。汁物係麵豉湯，配上西式嘅上枱器皿，感覺特別不一樣。最後蟹肉炒飯，米飯粒粒分明，中間有啲蒜香，加上不同嘅蔬菜粒口感豐富。甜品梳芙厘雪糕，睇住師傅喺你面前整嘅疏乎厘覺得特別新鮮，中間微暖，入口又鬆又軟，加上雪糕，非常好味！另外餐廳而家消費滿$1500會送龍蝦一隻，一支300ml清酒或全單九折，所以兩個嚟幫襯就抵上加抵。