Video
Read full review
2022-02-26
1310 views
Hygge 今次去到呢間又係食pizza。據上次食完the mother of pizza後，就覺得佢係暫時我食過最正嘅pizza麵團，但今次呢間同樣主打兩日發酵麵團，同樣對pizza有講究，究竟呢間質素會係點呢? Hygge 其實係太子悄悄食堂嘅姊妹店。悄悄主打日式精品定食/甜品同酒類，而新分店就同佐敦麵包店「品榖」聯合製造pizza麵團。 店名Hygge係丹麥文，由hugge(擁抱)同hugr(mood)演變成如今(帶來舒適感)嘅解釋。而呢間餐廳，完全能夠令客人感到返到屋企一樣嘅温暖。店舖由一入門口嘅咖啡吧，行到座位，到上餐區都呈現一種復古木系風格，木板/木壁等都刻滿歲月的痕跡。枱頭一望，就見到懸浮半空嘅沙布，暖白溫和嘅燈光。向下看則是灰暗隱約嘅水泥地板，襯托出文雅/柔和嘅環境。 食物選擇除咗有6款pizza之外，仲有招牌之一嘅可麗餅，有咸嘅crepe同甜嘅galette，仲有肉類/澱粉主菜，前菜/cold cut等。呢度並沒有午市套餐，午市同晚市嘅餐牌相若(疫情關係，午市都會提供晚市嘅選項)，仲有抗疫自取嘅“我要見soon仔”套餐。芝士鯷魚Pizza (10 inch)$168
今次去到呢間又係食pizza。據上次食完the mother of pizza後，就覺得佢係暫時我食過最正嘅pizza麵團，但今次呢間同樣主打兩日發酵麵團，同樣對pizza有講究，究竟呢間質素會係點呢?
Hygge 其實係太子悄悄食堂嘅姊妹店。悄悄主打日式精品定食/甜品同酒類，而新分店就同佐敦麵包店「品榖」聯合製造pizza麵團。
店名Hygge係丹麥文，由hugge(擁抱)同hugr(mood)演變成如今(帶來舒適感)嘅解釋。而呢間餐廳，完全能夠令客人感到返到屋企一樣嘅温暖。
店舖由一入門口嘅咖啡吧，行到座位，到上餐區都呈現一種復古木系風格，木板/木壁等都刻滿歲月的痕跡。枱頭一望，就見到懸浮半空嘅沙布，暖白溫和嘅燈光。向下看則是灰暗隱約嘅水泥地板，襯托出文雅/柔和嘅環境。
食物選擇除咗有6款pizza之外，仲有招牌之一嘅可麗餅，有咸嘅crepe同甜嘅galette，仲有肉類/澱粉主菜，前菜/cold cut等。呢度並沒有午市套餐，午市同晚市嘅餐牌相若(疫情關係，午市都會提供晚市嘅選項)，仲有抗疫自取嘅“我要見soon仔”套餐。
芝士鯷魚Pizza (10 inch)$168
芝士鯷魚Pizza
$168
16 views
0 likes
0 comments
我本身想叫焫焫焫焫焫焫著辣肉腸Pizza，但我貪新鮮就試咗鯷魚口味，價錢非常之正常，兩人食，飽到爆。(關於正宗意大利pizza嘅文章可以去睇返the mother of pizza嘅食評，雖然呢個有少少不正宗)
呢個麵團除咗用00麵之外，仲加入咗法國T-65粉。前者則微小如沙，吸水力低，令麵團更輕盈，蓬鬆，後者則有更多蛋白質(gluten)，常用於製作法包。加上高溫快速焗製，而變到依家大家所見嘅大型高外層。
芝士鯷魚Pizza
15 views
0 likes
0 comments
睇一睇横切面，中間嘅氣孔經歷長時間發酵後變得蓬鬆，出現大氣孔。內裏濕潤像酸種麵包，具有麵粉嘅香氣。外層香脆誘人，口感充裕，如果再燶D就風味更佳，但都係佳作。
芝士鯷魚Pizza
15 views
0 likes
0 comments
中間嘅San Marzano蕃茄醬經過發酵/加入香料後酸味更為突出，雖然香料味不算出眾。一開始以為鯷魚會係一條條，但呢度將佢磨成蓉，集中於中間，令我突然會食到一啖好咸嘅魚味(不過，希望佢嘅分佈可以平均d，數量可以有更多)，加埋個黑橄欖，水牛芝士，搭配得好好。
法式油封鴨 配 自家製肝醬$188
法式油封鴨 配 自家製肝醬
$188
27 views
0 likes
0 comments
份量就好多，跳出了碟邊，但我同朋友都情不自禁問咗一句：「鴨呢？」原來夾哂喺可麗餅入面！可麗餅平時食開嘅都係軟綿嘅，但呢個相反地極之香脆，加上餐廳用上蕎麥麵粉，每口都充滿麥香而有極少酸味，齋食都唔會淡而無味，但鐘意軟定脆就見仁見智啦。
油封鴨簡稱「在油煮熟的鴨」，份量係稀有到要慳住食。餐廳已經將d鴨撕開了，但的確係充滿鴨油香，口感酥嫩，如果有多少少皮位就更好...其實唔止皮位，仲有…。
可麗餅入面仲有焦糖洋蔥，味道唔太甜。上面嘅肝醬同樣要慳住食，好smooth又香口，而上面嘅沙律菜似乎就變咗係主角，好多！
丸久小山園 青嵐 奶昔$62
丸久小山園 青嵐 奶昔
$62
24 views
0 likes
0 comments
估唔到上面會有咁多配料，唔只係普通奶昔。奶昔飲落唔太甜，有少許奶香，抹茶味唔算太濃，建議撈埋上面嘅cream飲，令佢更香滑邪惡。上面有粒煙韌無味嘅白玉，兩粒軟糯Q彈嘅抹茶蕨餅，香甜軟化嘅紅豆蓉，我就覺得配搭正常。
Post
