Video
Read full review
2023-09-01
34 views
平時返工辛苦，收工都想餐好嘅獎勵下自己～咁啱搵到附近有間燒肉小店幾吸引，雖然唔係話有超多選擇，但貴精不貴多，肉嘅選擇款款都好吸引，同男朋友叫咗個極上滿足二人份套餐✨套餐就包M9和牛側腺橫隔膜、A4黑毛和牛一口牛、A4黑毛和牛厚切三角腩片、A4黑毛和肉眼上蓋冷薄片、A4黑毛和牛西冷薄片，5款肉各50g～仲可以加+98 牛舌兩食放題，不過唔想食到太飽所以有機會再試！！🥩A4黑毛和牛一口牛就係切到一粒粒，食起嚟冇話好有牛味，而且比較多筋同肥肥的脂肪。🥩A4黑毛和肉厚切三角腩片，係一塊淡淡嘅粉紅色夾集住白色嘅脂肪嘅牛，入口好軟好易咬，但牛味都係偏淡，但色澤好靚。🥩M9和牛側腺橫隔膜，肉嘅顏色係鮮紅色相對三角腩片少啲脂肪咁，而且都有啲厚度，但都好易燒好快熟，呢款牛味明顯出啲，而且同樣好易入口，唔會有筋。🥩而我最鍾意就係A4黑毛和肉眼上蓋冷薄片同A4黑毛和牛西冷薄片啦～兩款都係薄切和牛但牛味一啲都唔輸比厚切，食落好香口，點鹽食會令到塊牛嘅味道升級，更加好食；相反我個人就麻麻哋中間個燒肉汁因為點完好似都冇咩味，帶唔到牛嘅香味出嚟，而我又唔好柚子個個醬。套餐仲會跟二人份嘅飯、沙律、湯同汽水，汽水可以半
套餐就包M9和牛側腺橫隔膜、A4黑毛和牛一口牛、A4黑毛和牛厚切三角腩片、A4黑毛和肉眼上蓋冷薄片、A4黑毛和牛西冷薄片，5款肉各50g～仲可以加+98 牛舌兩食放題，不過唔想食到太飽所以有機會再試！！
🥩A4黑毛和牛一口牛就係切到一粒粒，食起嚟冇話好有牛味，而且比較多筋同肥肥的脂肪。
🥩A4黑毛和肉厚切三角腩片，係一塊淡淡嘅粉紅色夾集住白色嘅脂肪嘅牛，入口好軟好易咬，但牛味都係偏淡，但色澤好靚。
🥩M9和牛側腺橫隔膜，肉嘅顏色係鮮紅色相對三角腩片少啲脂肪咁，而且都有啲厚度，但都好易燒好快熟，呢款牛味明顯出啲，而且同樣好易入口，唔會有筋。
🥩而我最鍾意就係A4黑毛和肉眼上蓋冷薄片同A4黑毛和牛西冷薄片啦～兩款都係薄切和牛但牛味一啲都唔輸比厚切，食落好香口，點鹽食會令到塊牛嘅味道升級，更加好食；相反我個人就麻麻哋中間個燒肉汁因為點完好似都冇咩味，帶唔到牛嘅香味出嚟，而我又唔好柚子個個醬。
套餐仲會跟二人份嘅飯、沙律、湯同汽水，汽水可以半價升級轉特飲；而飯都有得揀月見蛋紫菜飯/牛蒡燒肉汁紫菜拌飯/白飯。我就揀咗月見蛋紫菜飯，諗住好似牛角飯咁，有紫菜配上溫泉蛋，但食落都係差咁啲，味道偏淡；另外飲品就升級咗做富士山特飲，成杯藍色嘅汽水配上一層白白嘅cream，造型成個富士山咁🗻，即刻幫佢打卡仲有個沙律配上沙律醬同蟹籽，菜新鮮又好食；湯係蜆湯嚟，有一隻飽滿嘅蜆，味道都唔差㗎～
1 views
0 likes
0 comments
Post
