花火和食 (Closed)

💁🏼‍♀️今次推薦大家黎到呢間位於土瓜灣（？）附近一個新商場既和食餐廳。雖然位置唔係好近地鐵站，但係食完呢一次，大家都覺得好值得，食物高質，價錢好合理，環境都好舒適闊落既餐廳！餐廳裝修好簡潔，播完一首首既日本歌曲，可能我地2點半黎食既關係，人流雖然唔多，空間都闊落，都吸引唔少住附近既居民一家大細黎食飯！👨‍👩‍👧‍👦野食方面種類算多，有便當、飯，拉麵烏冬同其他小食。💰價錢睇落就唔算貴，另外係唔洗加一，但應有服務都係有既，上菜都好快，所以我都覺得抵食！食物方面B10美國特級牛肩胛手打烏冬地獄辛辣($78)🔥有人為左睇我食到流哂汗，就叫我挑戰地獄辛辣湯底，不幸地，我又真係咁岩個日食得辣，湯底味濃得黎食完唔會覺得好口渴。辣味都夠，但唔會係辣到食緊川菜咁，所以好開胃。🔥🔥🍜手打烏冬好有咬口，唔會過軟過冰硬，作為非專業烏冬試食專員，呢款烏冬係高質的。🥩牛肉有牛味，肥瘦合適，以呢個價錢黎講成個配搭都好高質，值得讚！份量方面都唔細，女士一定夠飽！京都風蒲燒鰻魚便當($88) 🍱🥢 雖然我又真係唔太好饅魚，但呢個都唔錯！便當配芝士年糕同味增湯芝士年糕好香口，外面脆裏面軟，上菜個陣仲好熱。味增湯有啲太淡。