Video
Read full review
2024-10-11
546 views
［📍 銅鑼灣｜壽兵衛 ］位於銅鑼灣既壽兵衛係壽喜燒專門店，主打傳統關西壽喜燒，食材新鮮，環境又舒適。今次叫咗個Supreme Wagyu Set。前菜三點磯煮鮑魚好鮮甜；水雲醋物酸酸味味；蟹膏豆腐幾creamy。三樣前菜各有特色，夠哂開胃。海之幸刺身四點北海道帆立貝，夠哂肥美同鮮甜；鰤魚，油脂豐富，仲又幾爽口；牡丹蝦，鮮甜爽彈，有小小黏口感覺；拖羅，完全明白入口即溶既感覺。刺身夠哂高級同新鮮，質素好高。和牛刺身第一次食生和牛，牛味好夠，更特別係會食到油香，配埋生洋蔥同埋柚子汁，成件事好夾，可以解番個膩。和牛紫菜巻A4和牛會切碎再加海膽同紫菜，海膽個份量好有誠意，就咁食左小小都感受到入口即溶，之後再將剩返嗰啲同埋生和牛加紫菜包煮食，口腔嘅層次感好豐富。蒸物之後係又好暖胃嘅茶碗蒸，入邊有2塊小鰻魚，仲有類似啲花椒嘅物體，小小辣在配上香滑蒸蛋，好惹味。之後就入戲肉，就係日本A5和牛肉眼同埋日本和牛西冷既壽喜燒之後再配季節野菜盛合。會喺你面前煮，之後仲會配埋生雞蛋俾你，食落去超級滑，同埋入口即溶，油香爆曬出嚟。仲有香煎牛舌，牛舌一啲都唔韌，配埋淡雪鹽、洋蔥同柚子酸汁，口感勁多層次。最後有烏冬同
位於銅鑼灣既壽兵衛係壽喜燒專門店，主打傳統關西壽喜燒，食材新鮮，環境又舒適。今次叫咗個Supreme Wagyu Set。
前菜三點
磯煮鮑魚好鮮甜；水雲醋物酸酸味味；蟹膏豆腐幾creamy。三樣前菜各有特色，夠哂開胃。
海之幸刺身四點
北海道帆立貝，夠哂肥美同鮮甜；鰤魚，油脂豐富，仲又幾爽口；牡丹蝦，鮮甜爽彈，有小小黏口感覺；拖羅，完全明白入口即溶既感覺。刺身夠哂高級同新鮮，質素好高。
和牛刺身
第一次食生和牛，牛味好夠，更特別係會食到油香，配埋生洋蔥同埋柚子汁，成件事好夾，可以解番個膩。
和牛紫菜巻
A4和牛會切碎再加海膽同紫菜，海膽個份量好有誠意，就咁食左小小都感受到入口即溶，之後再將剩返嗰啲同埋生和牛加紫菜包煮食，口腔嘅層次感好豐富。
蒸物
之後係又好暖胃嘅茶碗蒸，入邊有2塊小鰻魚，仲有類似啲花椒嘅物體，小小辣在配上香滑蒸蛋，好惹味。
之後就入戲肉，就係日本A5和牛肉眼同埋日本和牛西冷既壽喜燒之後再配季節野菜盛合。會喺你面前煮，之後仲會配埋生雞蛋俾你，食落去超級滑，同埋入口即溶，油香爆曬出嚟。
仲有香煎牛舌，牛舌一啲都唔韌，配埋淡雪鹽、洋蔥同柚子酸汁，口感勁多層次。
最後有烏冬同密瓜雪糕作結，無論係環境、食物同埋服務都非常之有質素。
Post
