古今二 (The ONE)

Open Now

Now Closed

今日去開尖沙咀又想食壽司🍣，於是揀咗呢間居酒屋試一試，餐廳比較細，可以訂位，因為係心血來潮無訂位，一個人去食都等咗15-20分鐘先入到去。本身以為有lunch set，但係原來得星期一至五先有，所以就散叫咗啲壽司、卷物同牛舌。壽司叫咗三文魚、灸燒左口魚裙邊、油甘魚同埋玉子壽司。壽司質素高👍🏻，特別係灸燒左口魚裙邊壽司，一陣陣的灸燒味，入口一股油香味，真係非常推薦！普通壽司一件大約$18-35，海膽、牡丹蝦同赤貝個啲就$7、80一件。另外仲叫咗一個海老天婦羅卷（$62），一般係壽司店都係炸蝦卷，佢地加咗芝士幾特別，炸蝦嘅酥脆甘甜配上奶酪嘅濃香相得益彰，呢道海老天婦羅卷都值得一試😋。最最驚喜嘅係牛舌（$78）🤩，呢間嘅牛舌係厚切牛舌，有啲鋪頭整嘅係薄切，好容易整到好韌，所以我比較鍾意厚切牛舌，口感同油脂都更豐富。呢間居酒屋整嘅牛舌鮮嫩多汁，經過燒烤處理後，散發出微妙的燒烤香氣。呢個牛舌一定係佢地居酒屋嘅MVP🥇。