616牛肉火鍋專門店 (西菁街)

Open Now

Now Closed

聽朋友講，呢間火鍋店性價比算高，所以入去試下。兩個人叫咗一個餐另加幾樣其他餸。罕有部位3送1組合 $204此餐基本有“澳洲和牛頸脊”、“牛上肋”、“澳洲五花趾”，另外加送一碟“安枱斯橫隔肌”。4碟質素都好高，睇落好新鮮。五花趾食落有啲彈牙，牛頸脊油花分布均勻，食落有油香。另外兩款都好好，好嫰唔韌，有牛肉味，唔識太詳細分類喇。鴛鴦沙牛湯底 $82一邊係濃厚沙嗲湯，另一邊係牛腩清湯。想試清牛肉原味用清湯嗰邊就fit晒。沙嗲湯底好夠濃，煲煲下開始好濃，想惹味就用呢邊啦。清湯嗰邊有幾舊牛腩。響鈴 $28脆！索5秒沙嗲湯一流！水蓮菜 $28未見過，幾得意，煮熟咗一抽咁食，好爽口好香菜味，幾好。滑尾龍 $48上碟連一隻生蛋，同啲牛肉撈埋一齊先再煮熟。入口好滑好滑，但我自己又反而麻麻地，感覺似醃到好滑嗰種感覺。牛心 $48又香又滑又爽口，推介。牛駝峰 $48鮮甜，入口好軟滑，有少少油脂嘅香味。雙拼牛肉餃 $48有麻辣同原味。麻辣度都幾夠。餃本身餡好足料，成隻實滴滴，但個人覺得偏咸少少。炸魚皮 $28炸得好脆，點湯食唔錯。