保家山 (Closed)

Burger控又出動，今次到訪觀塘呢間burger小店。工業大廈嘅餐廳，weekend嘅夜晚都多人幫襯，一定有啲料到。佢個menu主打手工和牛漢堡，另外仲有豚肉、羊肉、雞肉，甚至素漢堡。唔食牛嘅朋友，都仲有好多選擇。套餐包咗漢堡一個，沙律或薯條，汽水或烏龍/蜜桃茶，價錢由$88- $108。藍手工和牛漢堡 ($108)- 用上和牛真係特別好食，牛味好香好濃郁，口感勁juicy。用上藍芝士醬汁，香濃嘅芝士醬加埋洋蔥、蕃茄等等，味道好有層次感。芝士控必選。傳統手工和牛漢堡 ($98)- 店舖嘅signature，同樣係用和牛，口感細緻，牛味香濃，加埋芝士、洋蔥、蕃茄等。配返傳統醬汁，絕對係經典之選。跟餐叫咗麻辣薯條 (+$4)及沙律各一份。麻辣薯條炸得好香好脆，鍾意香口，重口味嘅朋友啱晒。飲品點咗無糖蜜桃茶同雪碧，特別要讚下個無糖蜜桃茶，清下味蕾，健康之選。同老闆傾開先知原來「保家山」店名理念由長洲搶包山嘅平安包轉成漢堡包，佢細個時食到漢堡包就會好開心，但當時只有幾間大型牌子知名漢堡包店。佢哋希望創造香港獨有的漢堡包味道，加入香港文化元素而創立呢間餐廳。呢間嘅burger相當高質，聽埋老闆