Video
Read full review
2024-05-19
1682 views
又係多謝朋友介紹 ，carry 我去食好西嘅環節 🎉Burrata 5.1 - Summer berries, tomato compote, panca chill, thai pesto好特別嘅一款 Burrata，混合咗各式香料調味令口感同味道都更加 complex ，增添嘅酸辣同脆身，同 Burrata 嘅奶香🍼互相暉映。作為前菜有啲驚喜Ox Tongue Yakitori - Waygu Beef tongue, apple slaw, black ceps牛舌厚身但唔鞋，個人覺得配合埋個沙律同 jalapeño 係起到畫龍點睛嘅效果，令牛舌嘅味道都豐富起嚟 (利申呢味嘅肝菌唔啱我口味，我個人鍾意 juicy 嘅菌類多啲）Goulash - Papadelle, wagyu beef cheek, honeycomb tripe寛麵加汁食落滑滑的，最特別係除咗一般常見嘅牛面頰之外仲有牛肚，經過燉煮嘅牛肚煙靭又有彈性⚡️同入口即溶嘅牛面頰各具特色~Oyster - Chittara, Hiroshima oyster, lemon and pepper pearl好精彩，帶點焦香
Burrata 5.1 - Summer berries, tomato compote, panca chill, thai pesto
好特別嘅一款 Burrata，混合咗各式香料調味令口感同味道都更加 complex ，增添嘅酸辣同脆身，同 Burrata 嘅奶香🍼互相暉映。作為前菜有啲驚喜
Ox Tongue Yakitori - Waygu Beef tongue, apple slaw, black ceps牛舌厚身但唔鞋，個人覺得配合埋個沙律同 jalapeño 係起到畫龍點睛嘅效果，令牛舌嘅味道都豐富起嚟 (利申呢味嘅肝菌唔啱我口味，我個人鍾意 juicy 嘅菌類多啲）
Goulash - Papadelle, wagyu beef cheek, honeycomb tripe寛麵加汁食落滑滑的，最特別係除咗一般常見嘅牛面頰之外仲有牛肚，經過燉煮嘅牛肚煙靭又有彈性⚡️同入口即溶嘅牛面頰各具特色~
Oyster - Chittara, Hiroshima oyster, lemon and pepper pearl好精彩，帶點焦香，肥美飽滿嘅廣島蠔同埋檸檬爆珠係完全喺口腔入面爆發出嚟，好清新同時又好濃郁 🤯🤯🤯 麵條掛滿魚白湯同蠔汁，鮮味十足，超乎想像
Sichuan Three Yellow Chicken - Sichuan pepper/Soy milk/ Peanut Butter/ Seasame Seed用雞胸加上雞腿肉製成嘅雞捲，包上雞皮令口感外脆內軟。調味好似食緊一碗濃厚嘅擔擔麪咁🥜花生味香得不得了
Threadfin (馬友) - Fermented tomato/Escabeche/ Market Fresh Clams/ Clam Jus肉質鮮嫩，但食落馬友嘅魚油脂香唔係好突出，反而個伴碟嘅蕃茄同蜆都不錯
Beef Tartare - Variety Mustard/Picked jalapeno/Fried TaroBeef Tartare 加入咗炸芋頭條，口感有趣，滑中帶脆，牛肉嫩而鮮😋
Lamb Spare Ribs - Tzatziki sauce, Harissa oil/Lime leaf喜歡墊底嘅 yogurt 醬汁，但件羊太焦唔係好啱我口味，同埋落咗嘅油令整體個口感更加膩，有啲over
Provencal Gnocchi - Homemade Parmesan Gnocchi. Provencal Sauce/ Semi-dried tomato圓碌碌嘅 Gonocchi 口感QQ彈彈有咬口，芝士味夠香，同充滿蕃茄同蒜香嘅汁好夾🍅睇落平凡但食落好滿足
Dessert 係普洱 Basque Burnt Cheesecake，有茶甘食落就唔會太滯，呢度嘅cheesecake 口感唔係流心款都幾綿密~
食物幾有驚喜，店員都好用心介紹每款食物嘅烹調同特色。份量唔大可以一次過試多幾個唔同嘅款式~🤩
Post
