銀座炎蔵燒肉

Open Now

Now Closed

平時鍾意行D2 Place ，因為除咗有文青野睇，仲十分之Pet friendly，順便幫小狗一下零食、飾物，行到咁上下餐廳選擇又多！今次就揀咗間日本燒肉食，紓解一下我思鄉之🤣入到去抽風系統好好，完全同普通餐廳冇分別，一啲煙都冇👍🏻而且非常之寬敞，坐得舒服，仲可以擺到戰利品。🐂和牛極致四點拼盤-鞍下、亀之甲、羽下、肩三角，每個部位都富有牛肉既油脂，口感各有不同，鞍下薄片，係肉味同油脂晒均勻。羽下厚片多雪花油香出眾。肩三角則肉味最重。🐃🦐海鮮三味-兩隻大蝦、全隻魷魚、帶子：性價比高，超推薦。先講魷魚大大隻，而且厚身，燒都差唔多熟，彈牙唔韌。另外兩隻大蝦好新鮮，肉質爽彈，開左邊但重有少少蝦膏。帶子就調好味，啱啱好。🦑日本產豬豚肉-肥瘦一半一半，燒起帶油香，覺得太油膩可以放係瓜菜上一齊燒。🐖蔬菜拼盤：有粟米、鮮冬菇、翠玉瓜、大蔥、同蒸熟左既南瓜。呢個蒸熟既南瓜好貼心，避免咗燒到燶但入面都未腍🎃紫菜飯：食燒肉當然配白飯，加埋麻油香嘅紫菜，絕配！🍚白土乳酸梳打 - 飲到有粒粒白桃肉🍑3.5牛奶軟雪糕 - 上面仲有啲脆脆Topping，有少少似雪葩，唔會好🍦日本柚子雪糕 - 相對牛奶軟雪糕比較甜。