九鬼居酒屋 (耀華街)

Open Now

Now Closed

今日同朋友去銅鑼灣食飯，去左間個環境好型既餐廳。由於我地兩個都唔係好肚餓，食少少就夠，傾計為主。首先有個鱸魚薄切刺身 ，最新鮮既魚，日日都可以唔同，如果多人可以成條叫，我地兩個就小試幾片，新鮮魚生配返酸汁特別好味開胃。之後叫左個六件去壽司，由廚師拍板，有平時好少食既彷彿魚，好肥美既三文魚腩，又厚又香油味既池魚王，新鮮既帆立貝，肉厚鮮甜既魷魚，唔咸又有海水味既三文魚子，貌似平平無奇嘅六件壽司但食落滋味無窮。樣樣野都試下，叫左三串串燒有翠肉瓜，雞心，牛舌。三串都比較清淡，岩我朋友口味，雞心幾特別，唔係無個個地方都有得叫，牛舌就幾約好咬口， 外脆內軟。