無敵家

Open Now

Now Closed

同朋友喺中環行完街，就周圍搵吓嘢食，見到有間居酒屋外形好有日本嘅感覺，就入去試吓食先。入面嘅裝飾真係好似置身喺日本嘅居酒屋一樣。🟥串燒今次叫左3款串燒試吓。第一款係厚切牛舌，燒得好香同埋真係好厚，而且唔會好韌，朋友唔係太鍾意食牛舌都覺得好味！第二款叫左生蠔煙肉卷，好少見到呢個組合既串燒，所以就叫左黎試下，兩樣加埋都幾夾，蠔味濃唔會腥，幾特別可以一試。第三款叫左鹽燒白鱔，最近愛上左食燒魚，所以叫左黎食，有驚喜！個Size好厚魚肉好肥美，而且燒得岩岩好唔會乾身！🟪燒原條明太子平時食明太子壽司或者飯團比較多，未試過燒既明太子，所以叫黎試下。平時就咁食明太子會好咸，所以餐廳安排左一片片青瓜俾我地夾埋黎食，可以中和到咸味。燒左既明太子好香口，好好食！🟧溫泉蛋牛肉湯烏冬湯底清甜，而且牛肉既份量好多，好抵食。🟨豬軟骨拉麵拉麵個湯底比烏冬更加甜，唔係味精湯底，豬軟骨大大舊好淋🟦蘋果梳打叫左杯梳打，酸酸甜甜，蘋果味濃。