Akoya

Open Now

Now Closed

放假約好耐無見既朋友出尼聚會，想揀啲可以坐得舒服又可以飲下酒食下野既餐廳，於是揀左去居酒屋食飯。明太子煎蛋卷蛋卷口感超嫩滑，仲冒着熱騰騰嘅蒸氣，奶黃色既蛋卷外觀誘人，一切開裏面包住好多明太子， 雞蛋啱啱好中和左明太子既鹹香味。雞肝醬多士多士外脆內軟，雞肝醬順滑綿密，入口即溶，口感同多士形成強烈對比。雞肝醬香味濃郁，風味獨特，感覺好特別。豚軟骨山葵燒豚軟骨肉質軟嫩，微微山葵既香味提升了味道層次。味道唔會太辣，亦都唔會太攻鼻，就算唔係好食得Wasabi嘅朋友都可以試吓。海膽汁燒蠔蠔肉鮮嫩多汁，脹卜卜。吸滿咗海膽汁嘅味道，食落有鹹鹹地嘅麵豉醬味。上枱嘅時候啲醬汁仲係熱滾滾，發出吱吱咋咋既聲響，令人食指大動。豚肉韭菜芝士卷豚肉外脆內嫩，韭菜既清香與芝士鹹香味道好夾，味道層次豐富。豚肉露筍卷豚肉包裹著鮮嫩既露筍，咬落去時肉質同露筍爽脆口感豐富。露筍清新既感覺平衡左豚肉豐富油脂香味。鹽燒牛舌牛舌肉質滑嫩，口感好彈牙，鹽燒已經可以帶出牛肉既自然鮮味，雖然調味簡單但係好好食。牛舌仲要幾厚切添！一定滿足到鍾意食牛舌嘅朋友！銀鱈魚西京燒銀鱈魚肉質柔軟，冇腥味。 銀鱈魚亦都冇乜骨，怕有魚骨既朋友都可以試下！