魚一壽司 (京都廣場)

Open Now

Now Closed

魚一壽司位於銅鑼灣京都廣場地庫，今次就收工同同事一齊去到呢度食日式料理，超滿足！餐廳地方，座位舒適，仲有私人房可以比人預早book枱！炙燒壽司五點盛有牛肉他他、北海道帶子、左口魚裙邊、三文魚腩、原條穴子呢五種炙燒壽司，炙燒過後，會更加香口，食出淡淡魚油 & 肉香味！刺身六點盛擺盆精美，好有賣相，用一個木製嘅盒子放住6種刺身，有油甘魚、三文魚腩、吞拿魚、鯛魚、赤貝同牡丹蝦，特別係三文魚腩，刺身厚切肥美，非常新鮮美味！和風牛肉鍋鍋物份量十足，湯底香甜，肉味較濃厚，入面除咗有和牛之外，仲有粉絲同蛋黃，將牛肉點蛋黃汁食，口感更嫩滑！😍本鮪丼鍾意食吞拿魚嘅朋友仔，千祈唔好錯過！本鮪丼有齊三種款式嘅吞拿魚，有厚切赤身、中拖羅同拖羅蓉，當中嘅赤身口感柔嫩滋味；中拖羅顏色粉嫩，入口即融，魚味比較濃厚。嚟到日本餐廳點可以唔點日本出品嘅飲品！所以點埋日本靜岡綠茶可樂 & 日本桃味梳打，助興一番！