Video
Read full review
2021-10-11
1658 views
朋友生日話想食烤肉，有人推介呢一間，話好坐同埋唔貴，於是我就book咗枱試吓。因為朋友唔食牛，所以主要點晒豬，佢d豬都好正。本來想叫鹽燒赤豚里肌肉，可惜賣晒，咁就叫咗鹽燒黑豚肩胛肉、西班牙黑豚腩肉(岩鹽青檸汁)、厚切鹽燒黑豚腩肉、秒製味噌豬腸，另外仲叫咗特色野菜沙律、意大利香草鵝肝石鍋飯，仲有一份蔬菜合盛用嚟包烤肉。三款肉之中我反而最欣賞冇推介嘅厚切鹽燒黑豚腩肉，唔算太肥豬油香好夠但係如果可以再後啲就應該會仲正。個岩鹽青檸汁西班牙黑豚腩肉都唔錯，不過始終薄身，口感係會差少少，但係佢個岩鹽青檸汁做得好好，好清新，可以去咗啲油膩感覺。鹽燒黑豚肩胛肉都好食，脂肪分布唔錯，肉質好有彈性。秒製味噌豬腸好好食，雖然有D易燶，我自己就覺得少少燶係最好食嘅。意大利香草鵝肝石鍋飯嘅香草汁我自己覺得同飯好夾，鵝肝都算大嚿，不過唔知點解鵝肝味就唔夠香，另外都有少少煩焦。個特色沙律就感覺上普通咗啲，除咗入邊有椰果之外，基本上都係一對菜，我覺得叫多一個蔬菜合盛黎包烤肉好過。蔬菜合盛如果可以再多D菜會更開心。最後值得一讚嘅係佢哋啲侍應生好有禮貌，有三位女士serve我哋，三位都非常有禮貌，而家出面食飯好少見到咁嘅
朋友生日話想食烤肉，有人推介呢一間，話好坐同埋唔貴，於是我就book咗枱試吓。因為朋友唔食牛，所以主要點晒豬，佢d豬都好正。本來想叫鹽燒赤豚里肌肉，可惜賣晒，咁就叫咗鹽燒黑豚肩胛肉、西班牙黑豚腩肉(岩鹽青檸汁)、厚切鹽燒黑豚腩肉、秒製味噌豬腸，另外仲叫咗特色野菜沙律、意大利香草鵝肝石鍋飯，仲有一份蔬菜合盛用嚟包烤肉。
三款肉之中我反而最欣賞冇推介嘅厚切鹽燒黑豚腩肉，唔算太肥豬油香好夠但係如果可以再後啲就應該會仲正。
個岩鹽青檸汁西班牙黑豚腩肉都唔錯，不過始終薄身，口感係會差少少，但係佢個岩鹽青檸汁做得好好，好清新，可以去咗啲油膩感覺。
鹽燒黑豚肩胛肉都好食，脂肪分布唔錯，肉質好有彈性。
秒製味噌豬腸好好食，雖然有D易燶，我自己就覺得少少燶係最好食嘅。
意大利香草鵝肝石鍋飯嘅香草汁我自己覺得同飯好夾，鵝肝都算大嚿，不過唔知點解鵝肝味就唔夠香，另外都有少少煩焦。
個特色沙律就感覺上普通咗啲，除咗入邊有椰果之外，基本上都係一對菜，我覺得叫多一個蔬菜合盛黎包烤肉好過。
蔬菜合盛如果可以再多D菜會更開心。最後值得一讚嘅係佢哋啲侍應生好有禮貌，有三位女士serve我哋，三位都非常有禮貌，而家出面食飯好少見到咁嘅情況，令到呢一餐食得非常開心。
Post
