Video
Read full review
2022-09-07
1377 views
上星期， 有幸同朋友搵到一間CP值超高嘅居酒屋，一間位於銅鑼灣登龍街永光中心嘅《花宵》。喺繁忙嘅時段嘅登龍街幾乎大排長龍，為咗爭取更多傾談嘅機會， 我哋就選擇咗樓上鋪。呢一間上樓嘅居酒屋質素一啲都唔比街舖遜色， 款式多，而且價錢合理， 重要嘅係好食。一步入餐廳，有點家庭形式居酒屋嘅感覺。由於天氣熱， 一坐低就叫返一杯清爽嘅Suntoty draft beer。嘆啤酒，一定唔少得佐酒小食。呢一個期間限定嘅《酥炸蝦仔》 佐酒一流。 佢嘅size比櫻花蝦大，Size適中，一啖一口，所以食起嚟都能夠咀嚼到蝦肉。蝦仔嘅外皮同腳都非常之薄皮，輕輕沾上炸漿後， 用大火炸成金黃。 食緊嚟香脆無比， 同時亦都有少少鹹香嘅海鮮味。 喜歡清爽感覺嘅仲可以加上一抹檸檬汁， 開胃醒神。另外亦叫咗一啲壽司， 呢度嘅壽司質素非常之高，用嘅刺身非常新鮮。當中有幾款壽司值得encore。《火炙左口魚邊壽司》 左口魚邊油份充足不用多提。 如何將火炙嘅火候拿捏得好才是重點。 左口魚邊火炙得剛剛好，既帶有微微燒香， 逼出魚油香，不會太過火，令魚油溶化到餐碟上。 油香喺口腔入面徘徊， 魚油同壽司飯結合， 真係非常滋味。《海膽牡
喺繁忙嘅時段嘅登龍街幾乎大排長龍，為咗爭取更多傾談嘅機會， 我哋就選擇咗樓上鋪。
呢一間上樓嘅居酒屋質素一啲都唔比街舖遜色， 款式多，而且價錢合理， 重要嘅係好食。
一步入餐廳，有點家庭形式居酒屋嘅感覺。
由於天氣熱， 一坐低就叫返一杯清爽嘅Suntoty draft beer。
嘆啤酒，一定唔少得佐酒小食。
呢一個期間限定嘅《酥炸蝦仔》 佐酒一流。 佢嘅size比櫻花蝦大，Size適中，一啖一口，所以食起嚟都能夠咀嚼到蝦肉。蝦仔嘅外皮同腳都非常之薄皮，輕輕沾上炸漿後， 用大火炸成金黃。 食緊嚟香脆無比， 同時亦都有少少鹹香嘅海鮮味。 喜歡清爽感覺嘅仲可以加上一抹檸檬汁， 開胃醒神。
另外亦叫咗一啲壽司， 呢度嘅壽司質素非常之高，用嘅刺身非常新鮮。當中有幾款壽司值得encore。
《火炙左口魚邊壽司》 左口魚邊油份充足不用多提。 如何將火炙嘅火候拿捏得好才是重點。 左口魚邊火炙得剛剛好，既帶有微微燒香， 逼出魚油香，不會太過火，令魚油溶化到餐碟上。 油香喺口腔入面徘徊， 魚油同壽司飯結合， 真係非常滋味。
《海膽牡丹蝦壽司》 淨係單看外表就感受到用上了新鮮嘅海膽。 海膽嘅色澤有光澤， 橙黃色嘅海膽紋理清晰， 入口甘甜味美， 記帶有絲絲海水味， 同時亦滲出甘香甜美。 連埋鮮甜無比嘅牡丹蝦一齊吃， 可謂將層次推至另一層次。 牡丹蝦肉 爽嫩，彈牙。 那股甜味同海膽嘅甘香結合， 實在係令人大滿足。
《深海池魚壽司》 用上新鮮嘅材料，池魚刺身帶有光澤， 一食就能夠品嚐到池魚那份獨特嘅魚油香。
再嚟嘅就係居酒屋必點嘅串燒系列。
《豚肉荔枝串燒》 用薄身嘅豚肉包住整粒荔枝， 外層嘅豚肉油份甘香， 中間嘅荔枝香甜水潤， 兩者結合一齊食，既juicy亦清新， 果香中和咗油脂嘅飽膩咁。
《厚切牛舌串燒》 選用咗牛舌中間嘅牛脷心，咬落爽脆嫩滑， 內裏juicy多汁， 牛嘅羶香十足， 簡單加入一抹海鹽和黑椒調味， 最能夠體現出食材的原味。
《明太子豆腐串》 豆腐嘅外皮烤得金黃香脆， 上邊鋪上了滿滿嘅明太子， 食落鹹香味十足， 非常惹味。 內裏嘅豆腐嫩滑， 有帶有豆香， 讚。
《焦糖菠蘿串燒》 呢一個甜品可謂一個美滿嘅作結， 本身嘅菠蘿已經非常之香甜， 燒烤之後甜味更為突出， 而且菠蘿上面有一層晶瑩通透嘅焦糖， 除咗脆卜卜之餘， 焦糖香氣亦同樣突出， 同燒菠蘿係極度匹配。
《 紅豆抹茶黑糖蕨餅》 最後餐廳送上了這一個黑糖抹茶蕨餅， 口感煙煙靭靭，帶有黑糖獨特甜香， 同微微帶甘嘅抹茶粉融為一體， 為整頓晚宴劃上完美句號。
Post
