Espuma (M88)

Open Now

Now Closed

位於威靈頓街M88有好多唔同類型嘅樓上餐廳，今次就揀咗呢間主打fusion西班牙同歐洲料理嘅餐廳#Espuma。餐廳融合多國料理特色及以不同方法烹調。位處於17/F高樓層，落地大玻璃，到夜晚可享中環夜境色。裝修好靚好舒服，環境燈光好有情調。可亨受美食之餘，亦遠離煩囂。西班牙火腿雜錦拼盤鹹香味十足的帕爾馬火腿，有不同的口感！又唔油膩。黑毛豬火腿茄子卷，辣紅椒汁一共有5件，賣相好吸引，入口蔬菜汁滿溢，味道唔太辣。炸唐揚池魚仔日式小食呢度都有得食，炸到熱焫焫上碟，池魚仔細細條，咬落去冇咩魚骨，作為開胃前菜佢嘅份量都算好多。炭燒加拿大天然豬鞍豬鞍比我想像中夠曬juicy，週邊有少少油脂食好有口感，唔軔，配菜有奶油薯仔又香又滑。Tramisu cheese cake賣相好特別， Mousse同餅底可分開上下兩層，朱古力醬作接駁口位，擺盤好有心思。整體服務唔錯，系呢個輕鬆舒適的環境中，同朋友或致愛享受美食，系個唔錯既用餐體驗。