Nara Thai Cuisine (新城市廣場一期)

Open Now

Now Closed

今日同家姐行新城市廣場，睇到Nara Thai Cuisine係沙田開咗分店，一定要再encore啦。 哩間店裝修得唔錯，幾有泰國特色，唔夠7點，已經full咗9成，真係幾旺下。泰式奶茶，揀咗少冰正常甜，普通甜度都唔會好甜，甜度方面應該有就返香港口味，茶味好濃同埋有淡淡香料味，好飲。一入座仲送埋蝦片，好脆，唔錯。泰式東北小食拼盤，哩款拼盤幾豐富，有2款泰式腸，炸肉丸，生菜，腰果同肉碎包。泰式腸之前好少食，食落似豬肉做嘅，食得出粒粒豬肉口感，不過對於我黎講就有少少鹹咗，哩款腸搭配酒應該一流。肉碎炒得好惹味，最得意係搭配咗幾片薑片，搭配埋一齊食都有少少辣，幾得意。泰式蝦醬炒河粉，炒得幾有鑊氣，每一啖河粉都夠哂味道，搭配左唔少配料，有鹹蛋，肉碎同木瓜絲，撈埋一齊食好惹味。燒豬頸肉配青木瓜沙律，豬頸肉大大件差唔多有10件，豬頸肉燒得啱啱好，有燒烤香味又未至於好硬，點落泰式醬一齊食超match。青木瓜沙律食落好fresh，酸酸甜甜好惹味。自從幾年前係泰國食完哩間，再到海港城開分店，一路都有幫襯佢，質素一直都有keep到，都算多一家嘢食好選擇！