三原 (Cubus)

Open Now

Now Closed

今日黎到哩間鐵板燒餐廳。餐廳環境舒適，包廂入面係U型座位，每個座位都睇到廚師烹調食物嘅過程。食物由日本師傅親手烹調，師傅喺香川縣人，餐單上既料理都具有香川縣特色～✨Seasonal Kagawa Menu 香川縣🔸前菜：真鯛真鯛新鮮，肉質軟稔，配上青蔥醬汁，係一道意大利風格既Fusion刺身菜式，仲可以配埋洋蔥一齊食，口感會更豐富。🔸茶碗蒸蒸蛋滑溜，入面有冬菇，喺面頭仲加左蟹肉、蟹湯及三文魚籽，鮮味十足。🔸平貝平貝用左大大隻貝殼裝住，好岩打卡📸肉質新鮮彈牙，蘸上海苔麵豉汁及底下既cream，味道同酸汁相中和，非常好食。🔸依佐目依佐目魚皮香脆，魚肉細嫩，淋上白汁味道好夾，仲配有日本瓜類。🔸鐵板龍蝦龍蝦大大隻，除左彈牙既龍蝦肉，仲有龍蝦鉗，配上龍蝦洋蔥汁、牛油法式多士及蘆筍，不得不提法式多士真係勁有驚喜！🔸厚燒和牛香川縣既牛喺飼養嘅時候，飼料入面會加上橄欖，所以哩種和牛又叫做橄欖牛，係A5和牛西冷。我哋叫左五成熟，顏色粉嫩，熟度真係剛剛好，而調味仲有成六款，包括酸汁拌洋蔥、豉油加Wasabi、清心縣六子蒜、昆布、鹽及黑椒，可以自己自由配搭。🔸冷製讚岐烏冬讚岐手打烏冬配有凍湯，湯入面加上醋橘