燒肉屋 (清風街)

早排同朋友去天后，見到新開日式燒肉店「燒肉屋」決定試試，餐廳裝潢幾和風，餐桌都以木系為主，牆上放滿日式裝飾好有feel。點菜後店員會送上幾款配菜，而且仲可以無限添食，個人好喜歡個鰹魚汁蘿蔔同泡菜。前菜點咗法國生蠔($48隻)，餐廳仲做緊買一送一，好抵食！薄切A5宮崎和牛後腰配特製月見燒 $169和牛脂肪分佈平均，油脂好豐富，入口幾乎即刻溶化，配搭埋味道甜甜蛋汁，nice!超長日式牛仔骨 $188擺盤賣相有心思，牛仔骨幾腍身，而且醃得好夠味。蒜蓉牛油帆立貝 $158一份有4隻，帆立貝都幾大隻，用牛油蒜蓉燒熟，香氣撲鼻！食之前再放紫菜飯搞拌一齊食，個蒜蓉醬好送飯！