Video
Read full review
2018-09-11
32 views
朋友想食牛同麻辣嘢，所以特登揀左呢間牛肉火鍋同佢食上網見到呢間火鍋店係有好多特別部位既牛肉食，一於同朋友試下！係門口見到呢個，好適合我地依家既心情，哈哈店內環境裝修得比較有特色，同一般火鍋店好唔同。有一個好似吧檯咁既地方，睇黎係一個飲酒好去處！係餐牌度見到有好多款手工啤酒揀，真係好吸引！可惜明天要返工，都係下次先飲啦⋯⋯616有好多2人/4人檯，睇黎係想比少人數咁打邊爐。檯與檯之間相隔較遠，空間感十足，而且d櫈都坐得好舒服環境好好啊。牆上有個裝飾同我地介紹唔同牛既部位，好有心思呢度係用平板電腦自助點菜，禁入去仲有每款菜既介紹，等客人可以更清楚咁樣選擇符合自己喜好既食材，好貼心打邊爐湯底真係好重要！呢度既湯底選擇獨特，有酸菜湯底、牛雜湯底、青花椒辣湯，呢d都係比較唔常見既，其實好想試下，不過由於我地係用食麻辣火鍋既心黎打邊爐，所以都係堅持食返麻辣麻辣拼牛骨清湯$78呢度既湯底單拼同雙拼一樣價錢，貪心既我地就緊係揀雙拼，可以試多d呀嘛。個麻辣湯底一開始食完全唔辣，本身仲有d失望，但係煲左15分鐘之後開始好濃郁，d麻辣味出曬黎，食到我地好過癮牛骨清湯底鮮甜，仲有蘿蔔粟米牛筋係湯底度，正我地點
係門口見到呢個，好適合我地依家既心情，哈哈
店內環境裝修得比較有特色，同一般火鍋店好唔同。有一個好似吧檯咁既地方，睇黎係一個飲酒好去處！係餐牌度見到有好多款手工啤酒揀，真係好吸引！可惜明天要返工，都係下次先飲啦⋯⋯
616有好多2人/4人檯，睇黎係想比少人數咁打邊爐。檯與檯之間相隔較遠，空間感十足，而且d櫈都坐得好舒服環境好好啊。牆上有個裝飾同我地介紹唔同牛既部位，好有心思
呢度係用平板電腦自助點菜，禁入去仲有每款菜既介紹，等客人可以更清楚咁樣選擇符合自己喜好既食材，好貼心
打邊爐湯底真係好重要！呢度既湯底選擇獨特，有酸菜湯底、牛雜湯底、青花椒辣湯，呢d都係比較唔常見既，其實好想試下，不過由於我地係用食麻辣火鍋既心黎打邊爐，所以都係堅持食返麻辣
麻辣拼牛骨清湯$78
呢度既湯底單拼同雙拼一樣價錢，貪心既我地就緊係揀雙拼，可以試多d呀嘛。個麻辣湯底一開始食完全唔辣，本身仲有d失望，但係煲左15分鐘之後開始好濃郁，d麻辣味出曬黎，食到我地好過癮牛骨清湯底鮮甜，仲有蘿蔔粟米牛筋係湯底度，正
1 views
0 likes
0 comments
我地點完菜大概十分鐘都冇，就上齊所有菜！真係非常快！而且我好欣賞佢每碟肉都有標示係咩肉，有時打邊爐叫左好多肉，但係永遠都唔知其實自己食緊邊款都幾頹㗎！呢度就冇呢個煩惱啦
自助調料10蚊位
調味料選擇好多，最特別係有牛肉汁同青檸揀個牛肉汁拎去沾牛肉又真係特別鮮甜重牛味。另外仲有麻辣醬同鮮辣椒，啱曬想食更辣既人（例如我）
澳洲和牛牛胸肉-$48 （下）
估唔到呢個價錢可以有和牛食！牛胸肉雪花分佈均勻，係今晚咁多肉最嫩同牛味最濃既，幾乎唔洗咀嚼就融左，好好食！
安格斯橫隔肌 - $48 （上）
平時打邊爐最鍾意就係食安格斯牛，呢度既都唔錯，可惜比起和牛黎講失色不少。因為和牛真係太好味
4 views
0 likes
0 comments
另外我地仲揀左罕有系列既牛肉，通常呢d部位都只有大陸d潮州火鍋店見到，係香港都有真係好驚喜！
匙柄 - $48（上）
肩甲肉附近d部位，雖然質感柔軟，但係因為有少量肉筋所以同時有d咬口，幾乎沒有油分，唔錯
金花趾 - $68（下）
筋既比例十分多，同牛展感覺都幾似，所以咬落非常彈牙！呢款特別得黎又好食，必試
3 views
0 likes
0 comments
主食我地叫左道庭烏冬$28
一份有兩塊，放入麻辣湯底吸收曬d湯底既精華，真係好好食！雖然非常辣，但係辣得好過癮
2 views
0 likes
0 comments
娃娃菜$28
呢度d娃娃菜好甜，而且好大盤，抵食
響鈴$28
一共有六條，吸收麻辣湯底食又係極品
洛神花玫瑰茶$12
呢度除左酒之外，仲有其他特色飲品。朋友揀左呢個洛神花玫瑰茶，酸酸甜甜，解辣得黎又開胃
3 views
0 likes
0 comments
菊花冰粉$9
食落同菊花茶好似，鍾意飲菊花既人一定要試。加上冰涼Q彈既冰粉，好啱食完麻辣火鍋後做甜品！
3 views
0 likes
0 comments
我地兩個女仔食左四百頭，食到非常飽。每碟高質牛肉都只係幾十蚊。呢個價錢有呢個環境同質素，真係幾抵！而且見到晚上7:15前結帳同9:30後入座仲有八八折，更抵
Post
