北斗

Open Now

Now Closed

最近又去左九龍城揾食、除左泰國野、潮州野之外、日本野都好多選擇，最近就去左【北斗】試下。餐廳主打串揚居酒屋、師傅會係你面前一樣一樣炸，所以食物非常新鮮。千兩茄子：千兩茄子外皮柔軟所以連皮炸都唔會覺得有渣、而且茄肉甘甜肥厚、非常juicy。子持昆布串揚：子持昆布係帶有鯡魚卵既昆布、外層鬆脆而入口非常彈牙。上面再加上木魚碎同櫻花蝦，更加突出香味。日本煙鴨胸串揚：紫蘇葉包住煙鴨胸再炸、鴨胸非常juicy再搭配紫蘇葉獨特既香味，非常好食。日本菠菜沙律配芝麻醬：菠菜排得好靚、非常爽口、唔會鞋口。搭配芝麻醬非常清爽。甘鯛魚串揚：用左立鰭既方法去整，所以連皮都可以食。肉質綿密、鮮甜及有彈性，非常特別。