浜滝

Open Now

Now Closed

近來喜歡日本料理既我哋，經常出外到處走走，呢日去開九龍城無意發現門面幾特別嘅 "浜滝"，立即去試吓啦👏🏻✨️冬菇串冬菇每個都幾大個，燒烤得好香口，燒得唔會乾身，面層鋪上木魚碎，味道層次提升。✨️秋刀魚刺身依碟秋刀魚製成扭繩形狀，好特色。通常吃炸嘅秋刀魚，秋刀魚刺身都係第一次食，魚味濃郁，油脂滿佈，肉質細緻嫩滑，食起嚟好清甜。✨️鮮鯖魚刺身擺盤精美，鮮鯖魚份量十足，原條起肉，有埋頭尾可見到，魚肉切成一片片，新鮮肥美，口感滑溜爽口。✨️淮山串、肥豚肉串兩款燒烤味十足，淮山串外面焦香，口感軟綿綿，淮山食品健康有益。肥豚肉串外層燒得好香脆，醃得好入味，外脆內軟，肉質嫩滑、軟彈，油脂豐富，口感唔錯。