Video
Read full review
2021-07-10
2226 views
朋友早前請我食呢間出名食omakase嘅高級日本料理鮨吟作為生日飯，好開心呀🥰🥰又可以見識下專業壽司師傅嘅手勢同唔同日本最新鮮最刁鑽嘅魚生。呢度位於耀華街Zing嘅27樓，可以坐係席前食，睇住師傅逐件壽司準備，仲有前面開揚嘅景色，店員服務都好貼心，簡直係一流嘅享受～壽司12貫今次叫咗12貫嘅壽司套餐，雖然唔係omakase，不過$500幾蚊嘅價錢，有齊前菜、沙律、壽司、手卷、麵豉湯、茶碗蒸同甜品，好豐富😻壽司嘅質素好高，師傅亦都好詳細咁介紹每款壽司嘅款式同配料，絕對可以媲美omakase，性價比高👍🏻鱈魚片、醃漬魚生粒、沙律一坐低就有啲鱈魚片可以食下，點蛋黃醬幾好食，前菜混合唔同款式切成粒嘅魚生，三文魚、螺肉、吞拿魚等都有，加埋酸酸甜甜嘅醬汁開胃，沙律嘅醬汁就有點多，鹹咗啲。九州花竹蝦、帶子、金目鯛、深海池魚+蒸鮟鱇魚肝醬、池魚軍艦、醬油漬赤身、中拖羅、白海膽軍艦、鯖魚棒壽司、鰹魚、炙燒右後魚邊、炙燒赤鯥魚12件壽司每一件都幾高質😋😋仲可以因應喜好同飲食習慣有所調整。花竹蝦鮮甜彈牙；帶子好厚肉。池魚切成絲後混和薑蔥醬汁，味道幾特別😗中拖羅幾鮮甜不過無入口即溶嘅油脂感，比較普通。白海膽軍
壽司12貫
今次叫咗12貫嘅壽司套餐，雖然唔係omakase，不過$500幾蚊嘅價錢，有齊前菜、沙律、壽司、手卷、麵豉湯、茶碗蒸同甜品，好豐富😻壽司嘅質素好高，師傅亦都好詳細咁介紹每款壽司嘅款式同配料，絕對可以媲美omakase，性價比高👍🏻
鱈魚片、醃漬魚生粒、沙律
一坐低就有啲鱈魚片可以食下，點蛋黃醬幾好食，前菜混合唔同款式切成粒嘅魚生，三文魚、螺肉、吞拿魚等都有，加埋酸酸甜甜嘅醬汁開胃，沙律嘅醬汁就有點多，鹹咗啲。
九州花竹蝦、帶子、金目鯛、深海池魚+蒸鮟鱇魚肝醬、池魚軍艦、醬油漬赤身、中拖羅、白海膽軍艦、鯖魚棒壽司、鰹魚、炙燒右後魚邊、炙燒赤鯥魚
12件壽司每一件都幾高質😋😋仲可以因應喜好同飲食習慣有所調整。花竹蝦鮮甜彈牙；帶子好厚肉。池魚切成絲後混和薑蔥醬汁，味道幾特別😗中拖羅幾鮮甜不過無入口即溶嘅油脂感，比較普通。白海膽軍艦好出色🤩🤩🤩成座海膽山咁鋪係軍艦上面，食落極鮮甜肥美又creamy，令人回味🥰本身我唔食鯖魚都覺得個棒壽司好impressive👍🏻皆因高質素嘅鯖魚係一啲腥味都無，面頭鋪咗白昆布，中間仲有紫蘇葉，味道層次豐富，好食。鰹魚加上白子蒜片，蒜味比較濃郁我自己就麻麻地，鍾意食蒜嘅人就啱。右口魚邊經過炙燒之後油脂出晒黎，入口即溶，口感豐腴；赤鯥魚都係第一次見，有微微油脂感但就相對彈牙。
蔥吞拿魚手卷
食到好飽之後仲有個好足料嘅手卷，吞拿魚蓉多到漏晒出嚟🤣🤣
茶碗蒸、麵豉湯
食完壽司點都要食返啲熱嘢，茶碗蒸面頭有新鮮蟹肉，入面仲有白果同帶子粒等，蛋好滑不過面頭芡汁太多有啲鹹😅麵豉湯入面有好大粒蜆。
雪糕／雪葩
雪糕可以揀杏仁／咖啡味或者柚子雪葩，咖啡味唔夠濃郁。
人均消費：$600
推介指數（10分為滿分）：8.5分
Post
