南瀛水產

生日朋友帶我去慶祝，知道我鍾意食日本嘢，特別安排帶我去公司附近的「南灜水產」，餐廳裝潢充滿濃厚的日本風格，座位之間闊落、舒適～食物方面都係由日本入口，所以會有限定餐單，新鮮、絕對有質素保證～先點個「軟殼蟹沙律」軟殼蟹炸得金黃香脆，配埋沙律醋菜非常開胃之後係令我一食難忘的「香蒜牛舌」，燒得非常入味，牛舌入口即化，上面再加一點脆脆蒜香，係我暫時食過最好味的燒牛舌～另一個必食推介係「南𤅀玉子燒」上枱時候仲見到煙飄出，玉子蛋香甘甜，中間仲有香濃的芝士，正～雖然我平時唔食魚，但呢度刺身漬魚一定要試，唔同季節會提供唔同種類的魚，今次食的是「高山」師傅刀工一流，每一片都切得啱啱好，光造型已經非常吸引，唔會有魚腥味，反而有一種難以形容的鮮味，令原本平時不吃魚的我都忍唔住食多幾片～呢度浜燒都非常出名，我地點左「蟹味噌甲羅燒」&「牡蠣」，店員仲會喺面前細心幫你燒～「蟹味噌甲羅燒」超正，滿滿的蟹膏、籽子、蟹肉，上面仲有一隻鵪鶉蛋，入口蟹味濃郁，味道甘鮮～「牡蠣」新鮮大大隻，非常肥美～呢餐生日飯真的非常滿足～