天膳

Open Now

Now Closed

作為相信政府嘅一員，當然唔怕食日本菜🤣，呢間在銅鑼灣開咗14年嘅日本菜餐廳，平日嘅晚上都好多人，bar枱都坐滿人了。不過裏面仲有枱，座位舒適。小食 $120小食包括有日本白粟米、瀨尿蝦肉、超大隻白梅貝。白粟米嘅特別之處係可以生食，香脆甘甜。瀨尿蝦肉味道鮮甜嫩滑，白梅貝則肉質爽彈，各有特色！吞拿魚 $210汁煮吞拿魚係比較少嘗試嘅食法，但又好入味好特別，搭配其他配菜（冬菇、蘿蔔），有驚喜！天婦羅沙錐魚 $180雖然我本身唔太鍾意食魚，但一小條炸得好香口，再搭配天婦羅秋葵，醬汁嘅味道都好適合配沙錐魚。鰻釜飯 $380鰻魚二人食份量剛剛好，下面嘅飯可以加上配料和湯，如果鍾意食軟身嘅湯飯可以加多啲湯，由自己調整喜歡的口感。波子汽水 $35 橙汁 $25綠茶雪糕 $30曲奇雪糕 $30雪糕甜度剛剛好，作為晚餐完美的句號。