大排檔小炒 (華發大廈)

Open Now

Now Closed

一路都好鐘意食大排檔野，不過有時真係怕要坐環境衛生差嘅地方🙈，最近黎到呢間銅鑼灣嘅地鋪，環境坐得舒舒服服，乾淨企理，食物仲食到大排檔嘅風味，全部熱辣辣，好有鑊氣😍相信呢度會成為飯堂之一！必食推介：「金牌臘味煲仔飯」絕對係我食過最好嘅煲仔飯！臘味係切粒上，米飯粒粒分明而且索晒臘味香，仲有脆卜卜嘅飯焦！用煲上嘅「辣酒煮花螺」，撈勻嘅時候仲會聽到吱吱聲好治癒，呢度同外面嘅煮法有啲唔同，醬汁比較乾身，但每粒花螺都掛滿醬汁，唔會煮得過韌，而且越食越辣，好過癮！「拔絲咕嚕肉」酸甜味剛好，拉起上黎仲一絲絲，小朋友狂讚追住食！「小炒皇」韮菜花新鮮爽脆，特別欣賞佢加咗炸脆嘅土魷，咬起上黎每啖都好豐富！