船渦

Open Now

Now Closed

好耐冇食蒸氣鍋，今次揀左間位於銅鑼灣嘅《船渦》～呢間係一人一鍋嘅蒸氣鍋，想蒸乜先都自己話事，而且每張枱都有竹簾隔住，感覺好日式同埋夠哂有私人嘅感覺～手機落單，自己想叫邊個餐都得，就算係同行嘅朋友都可以選擇其他餐，唔洗一定要一模一樣，想食乜自己話事！而且每張枱都有指引唔同海鮮蒸幾耐，跟足時間就唔驚唔熟啦！我地今次叫左「內務總管」套餐,$328套餐包括沙律，吉列炸蠔，海鮮有7款，其中一款可揀蟶子皇/蟹（半隻），至於肉類揀左豚肉同埋美國肥牛，仲有三寶丸（牛骨濃汁牛丸，薑汁皮蛋貢丸，招牌墨魚丸），蔬菜拼盤同埋甜品～我想講....呢度啲海鮮真係好新鮮，直接係魚缸撈出黎 ，上到枱啲蜆都仲識郁，而且好正好鮮甜，最後仲有個粥底添，呢個餐真係食到好飽好飽！