LYKETEA BISTRO

Open Now

Now Closed

西營盤這地方有不少食物高質環境又Relax嘅餐廳Cafe，雖然這地方對我而言有啲遠，但我耐唔耐都會嚟依度覓食. 今次見到這𥚃開咗間新嘅主打Pizza西餐廳，見環境幾舒服於是決定今晚在這開餐. 叫咗個素Pizza-10‘’Veggie pizza、大蝦意粉Prawn El Diablo Pasta、雞翼chicken wings solo同埋蜂蜜奇異果氣泡梳打Honey Kiwi.Pizza即叫即整，新鮮熱辣香噴噴，餅底薄而脆口，餡料十足，雖然無肉，但唔會好齋，色彩繽紛，size對我哋而言剛剛好，食完無好膩好滯嘅感覺. 大蝦意粉因為材料有墨西哥辣椒🌶️關係所以味道偏辣，啲蝦都大大哋隻，肉質彈牙，醬汁剛剛好唔會太多好漏咁，意粉口感爽滑，軟硬適中. 雞翼有八隻，係單骨雞翼來，食起來比較方便，炸到外脆內嫩，點埋個沙律醬，食到停唔到口. 食完咁多嘢當然要飲返啖Honey Kiwi梳打舒暢下個喉嚨. 價錢來講合理，環境服務態度也不錯，整體來講幾好，係值得支持的小店.