正潮樓

Open Now

Now Closed

放工同朋友特登來試呢間潮州菜館，一入去店員都好好招呼，坐低無耐我地就決定好食咩，因為來之前已經做左research，我地兩個人叫左五樣野，最後食到好飽😂。滷水鵝片（例牌），啖啖肉又大份，滷水汁又入味，仲有啲豆腐墊底，非常豐富。汕頭煎蠔烙，總共切開有八件，我哋最後都只係食咗三件，其他都係打包，但剛剛煎出嚟熱辣辣，再點埋魚露，真係好香口。煎韭菜粿，同我想像中有少少唔同，原來佢入邊只有韭菜無肉，而佢個皮就非常Q彈，食落好特別。糖醋煎伊麵，呢個我就期待咗好耐，出去食好多時都冇呢個餸嘅選擇，我特登同啲店員講叫師傅煎脆啲燶啲，出到嚟份量唔算好大，我哋兩個人都食得晒，每一件再點啲糖同醋，複雜嘅味道令人一食想再食。清心丸綠豆爽，甜度適中，食完四個餸再配上呢份甜品，就沖走咗啲油膩感。最後埋單都唔使$600，仲要每樣野都好好味，一定會返轉頭再來食，下次已經諗好要試佢個蠔仔粥，五台有四台都有叫。